કેટરીના કૈફે પોતાના કેરિયરમાં સૌથી વધુ જેની સાથે કામ કર્યું હોય તો તે સલમાન ખાન છે. આ ઉપરાંત કેટરીનાએ શાહરૂખ અને આમિર ખાન સાથે પણ કામ કરેલુ છે. જો કે કેટરીનાનાં મતે સલમાન ખાન ત્રણેય ખાનોમાંથી બેસ્ટ એક્ટર છે. કટરીનાએ આ વાતનો ખુલાસો ‘કૉફી વિથ કરણ’ ફિલ્મમાં કર્યો હતો.
કરણ જોહર ‘કૉફી વિથ કરણ’ની છઠ્ઠી સીઝન સાથે પરત ફરી રહ્યો છે. કરણ જોહરે કેટરીનાને તેમની એ સીઝનમાં પૂછ્યું કે તેના મતે શાહરૂખ, આમિર અને સલમાન ખાનમાંથી કોણ સારો એક્ટર છે? તેના જવાબમાં કેટરીનાએ જરા પણ રાહ જોયા વગર સલમાન ખાનનું નામ આપ્યું હતુ.
તેણે કહ્યું કે, “મને નથી ખબર લોકોએ સલમાનનાં આટલા લાંબા કેરિયરને સમજ્યું છે કે નહી, અથવા તેમને સમજવાની તક પણ મળી છે કે કેમ; પરંતુ મારી અંદર કંઇક છે જેને લાગે છે કે સલમાન જ સૌથી સારો એક્ટર છે.” સલમાન ખાન અને કેટરીના કૈફની જોડીનાં ફેન્સ પણ આ બંનેને એક સાથે જોવા માટે તલપાપડ થતા હોય છે. ઑન સ્ક્રીન જ નહીં, પરંતુ વાસ્તવિક જીવનમાં પણ સલમાન અને કેટરીના એકબીજાની ઘણા નજીક છે.
