ટેસ્લાનાં સીઈઓને પસંદ પડી ‘બાજીરાવ મસ્તાની’, ‘મલ્હારી’નું જીઆઈએફ શેર કર્યું

982

૧૮ ડિસેમ્બરનાં રોજ સંજય લીલા ભંસાલીની ફિલ્મ ‘બાજીરાવ મસ્તાની’ને ૩ વર્ષ પૂર્ણ થયા. આ ખાસ પળે રણવીર સિંહ અને દીપિકા પાદુકોણે તેમના સોશિયલ મીડિયા એકાઉન્ટ આ ફિલ્મને લઇને પોસ્ટ કરી હતી. બોલીવુડ અને રણવીર-દીપિકાનાં ફેન્સે પણ બંનેને અભિનંદન આપ્યા હતા. ફેન્સે આ ફિલ્મનાં કેટલાક સુપરહિટ ડાયલૉગ્સથી ફિલ્મની ત્રીજી એનિવર્સરી મનાવી હતી. હવે લાગે છે ફક્ત આપણે ભારતીયો જ આ ફિલ્મને પસંદ કરતા નથી.

ટેસ્લાનાં સીઈઓ એલન મસ્ક પણ ‘બાજીરાવ મસ્તાની’ને પસંદ કરે છે. તેમણે આ ફિલ્મને રીલેટેડ એક જીઆઈએફ પોતાના ઑફિશિયલ ટિ્‌વટર પર શેર કર્યું છે. તેમણે રણવીર સિંહનાં ‘મલ્હારી’ સૉન્ગનું જીઆઈએફ શેર કર્યું છે. આ જીઆઈએફમાં રણવીર સિંહ ડાન્સ સ્ટેપ કરી રહ્યો છે. તેમણે કેપ્શનમાં વધારે કંઇ નથી લખ્યું. તેમણે હાર્ટની ઇમોજી સાથે ‘બાજીરાવ મસ્તાની’ લખ્યું છે. એલન મસ્કનાં આ ટિ્‌વટથી ઇન્ડિયન ટિ્‌વટર યૂઝર્સ એ જાણીને ચોંકી ગયા હતા કે ટેસ્લાનાં સીઈઓને પણ આ ફિલ્મ પસંદ છે.

ઇન્ટરનેટ પર આ ટિ્‌વટ વાયરલ થઈ રહ્યું છે. રસપ્રદ રીતે આ એલન મસ્કનાં ટિ્‌વટ પર ઈરોસ નાઉએ પણ જવાબ આપ્યો છે. ઈરોસ નાઉએ લખ્યું છે કે, ‘તે બાજીરાવ મસ્તાની ફિલ્મને ઈરોસ નાઉ પર જોઇ શકે છે.’

Previous articleમહાભારતમાં આમિર ખાન ભજવશે શ્રીકૃષ્ણનું પાત્ર
Next articleલક્ષ્મણની ૨૮૧ રનની ઈનિંગ ભારતીય ટીમમાં સર્વશ્રેષ્ઠઃ દ્રવીડ