રવિવાર સવારે ૩૦ જુનના રોડ ઇસ્કોન મેગાસીટી ઓનર્સ એસોસિએશન દ્વારા ઇસ્કોન મેગાસીટીમાં ૫૦૦ વૃક્ષોનું વૃક્ષારોપણ કરવામાં આવ્યું હતું. આ વૃક્ષારોપણ ગ્રીનસીટીના દેવેનભાઇ શાહ, કિલોનભાઇ મહેતા ઉપરાંત સોસાયટીના હોદ્દેદારો તથા સોસાયટીના તમામ રહેવાસીઓ દ્વારા કરવામાં આવ્યું હતું. સોસાયટીના પ્રમુખ બકુલભાઇ દેવાણી, પલકભાઇ ભાવસાર, જયેશભાઇ આંવ વિગેરે હોદ્દેદારો દ્વારા આ વૃક્ષારોપણનું સમગ્ર આયોજન કરવામાં આવ્યું હતું. ગ્રીનસીટીની ઇનામી યોજનાની જેમ સોસાયટીએ સભ્યો માટે વૃક્ષારોપણ માટે ઇનામી યોજના રાખી હતી. આ તબક્કે ગ્રીનસીટીના દેવેનભાઇ શેઠએ તમામ નગરજનોને તા.૩૧ જુલાઇ સુધી વૃક્ષારોપણ કરી ગ્રીનસીટીની વૃક્ષ વાવો ઇનામ જીતો યોજનામાં સામેલ થવા અનુરોધ કર્યો હતો.