ખારી નદીમાં ભેખડો વચ્ચે રહસ્યમય રીતે કાર ખાબકતા અનેક તર્ક-વિતર્ક

573

ભુજ શહેરની ખારી નદીમાં એક કાર ખાબકેલી જોવા મળતા લોકોમાં આશ્ચર્ય જોવા મળ્યું છે. જો કે આવા બનાવ બનતા હોય છે પરંતુ જે રીતે કાર ખાબકી તેણે લોકોમાં આશ્ચર્ય સર્જ્યુ છે. નદીની ભેખડો વચ્ચે આ કાર ખાબકી છે. આ બનાવ કઈ રીતે બન્યો તે જાણી શકાયુ નથી. મળતી માહિતી મુજબ ભુજના કોડકી રોડ પર આવેલી ખારી નદીમાં ભેખડો વચ્ચે એક કાર ખાબકતા લોકોમાં આશ્ચર્ય જોવા મળ્યું. બનાવ અંગે પોલીસ મથક કે હોસ્પિટલમાં કોઈ નોંધ રાત્રી સૂધીમાં કરાઈ નહતી. ૧૦૮ એમ્બ્યુલન્સને પણ કોઈ કોલ મળ્યો નહતો. જેના પગલે બનાવમાં કોઈ ઘાયલ થયું પણ છે કે કેમ તે જાણવા મળ્યું નથી. પોલીસે પણ આ બનાવ અંગે કોઈ જાણ નહોવાની વાત કરી. આ બનાવ અકસ્માત છે કે પછી અન્ય કોઈ ઘટના ઘટી છે તે અંગે અનેક પ્રકારની ચર્ચાઓ થઈ રહી છે. નદીની ભેખડો વચ્ચે આખરે આ કાર ખાબકી કેવી રીતે તે અંગે લોકોને ખુબ નવાઈ લાગી રહી છે. આ બનાવ કઈ રીતે બન્યો તે પણ જાણી શકાયું નથી.

Previous articleપ્રેમલગ્ન કરનાર દલિત યુવાનની હત્યા મામલે યુવતીનાં પિતાની કરાયેલી અટકાયત
Next articleફિલ્મથી પ્રભાવિત થઇ ૩ બાળકો ઘરથી ભાગ્યા, વેરાવળમાંથી મળ્યા