ગાંધીનગર મહાનગર ભાજપમાં પેટા ચૂંટણી માથે આવી ગઇ છે ત્યારે જ ભડકો થયો છે.
ભાજપના આગેવાનો અને કાર્યકર્તાઓના વોટ્સએપ ગ્રુપ ‘‘અમે સૌ ભાજપના’’માંથી પૂર્વ મેયર પ્રવિણભાઇ પટેલ, મત્રી બીપીન જોશી, કિલોલ સાપરિયા, વિપુલ કિસાન મોરચો સહિતના સભ્યોને ગ્રુપ એડમીન એવા ભાજપ શહેર પ્રમુખ મહેન્દ્રભાઇ પટેલ દ્વારા મંગળવારે રાત્રે રીમુવ કરી દેવામાં આવતા સ્થાનિક કાર્યકરોમાં ચર્ચાનો વિષય બન્યો છે. આ મુદ્દે સંપર્ક કરવા પ્રયત્ન કરાયો પરંતુ મહેન્દ્રભાઇનો ફોન સ્વીચ ઓફ આવ્યો હતો. દરમિયાન આગામી દિવસોમાં કેટલાક સભ્યોને ભાજપમાંથી સસ્પેન્ડ કરવામાં આવશે તેવી ચર્ચાએ પણ જોર પકડ્યું છે.
