પતંજલિના તેલના પાઉચના બોક્સની આડમાં લઈ જવાતો ૩૬૦ પેટી ઈંગ્લિશ દારૂ ઝડપાયો

771

પતંજલિ તેલના પાઉચના બોક્સની આડમાં લઈ જવાતો રૂ.૧૨ લાખ ૯૬ હજારનો ૩૬૦ પેટી ઈંગ્લિશ દારૂ ઝડપાયો છે. અમદાવાદ ક્રાઈમ બ્રાન્ચે ઉજાલા સર્કલ પાસે આવેલી આરએનસી ટ્રેડલિંક નામની દુકાન પાસેથી સંજીવ કુમાર ઉર્ફે સંજુ સુરતા રામ(અંબાલા, હરિયાણા), અજમેર શહેરાવત ઉર્ફે સોનુ રણદીપ શહેરાવત(હરિયાણા), મોનુ ભગવાનસિંહ(હરિયાણા), પ્રવીણ કુમાર ફતેસિંહ(હરિયાણા)ને ઝડપી લીધા છે.

પોલીસે આરોપીઓ પાસેથી રૂ.૧૨ લાખ ૯૬ હજારની કિંમતની વ્હીસ્કીની ૪,૩૨૦ બોટલ તથા રૂ.૫ લાખની કિંમતનો ટ્રક અને પતંજલિ તેલ અને પાણીના પાઉચ ભરેલા ખાખી રંગના પુઠ્ઠાના ૨૦૦ બોક્સ, ૪ મોબાઈલ મળી કુલ રૂ.૧૭ લાખ ૯૮ હજારનો મુદ્દામાલ કબ્જે કર્યો છે.

આરોપીઓની પૂછપરછ દરમિયાન પોલીસને જાણવા મળ્યું કે,આ દારૂનો જથ્થાની ડિલવરી અમદાવાદ શહેરમાં આપવાની હતી. હાલ પોલીસ દારૂનો જથ્થો મોકલનાર અને દારૂ મંગાવનારા શખ્સો અંગે તપાસ ચલાવી રહી છે.

Previous articleપરિવાર સાથે અગાસી પર સુતેલી સગીરાનું અપહરણ કર્યા બાદ યુવકે દુષ્કર્મ આચર્યું
Next articleપહાડપુર ગામે ત્રણ પુત્રીઓએ પિતાને કાંધ આપીઃ દ્રશ્યો જોઈ ગ્રામજનો હીબકે ચઢ્યા