રીદ્ધિમાન સાહાનાં ઘરે પારણું બંધાશે, બીજી વખત પિતા બનશે

582

ભારતના વિકેટકીપર ઋદ્ધિમાન સાહાએ કહ્યું છે કે, તેની પત્ની રોમી મિત્રા ટૂંક સમયમાં જ માતા બનવા જઈ રહી છે. સાહાએ ટ્‌વીટર પર પોતાના ફેન્સને આ જાણકારી આપી હતી.

ઋદ્ધિમાન સાહાએ ટ્‌વીટ કરીને કહ્યું કે, આ જન્મદિન મારા માટે વિશેષ છે. અમે અમારા ઘરમાં નવા મહેમાનની રાહ જોઈ રહ્યા છીએ, અમે ગર્વની સાથે એ ઘોષણા કરી રહ્યા છે કે, અમે બીજી વખત માતા-પિતા બનવા જઈ રહ્યા છીએ. અમારા માટે દુઆ કરજો.

સાહા ૨૦૧૫માં મહેન્દ્રસિંહ ધોનીના સંન્યાસ લીધા બાદ વિકેટકીપરના રોલ માટે ભારતીય ટીમના કેપ્ટન વિરાટ કોહલીની પહેલી પસંદ છે. દક્ષિણ આફ્રિકાની સામે હાલમાં જ સમાપ્ત થયેલ સીરિઝમાં સાહાએ ત્રણેય મેચોમાં વિકેટકીપર બેટ્‌સમેનની ભૂમિકા નિભાવી છે.

બાંગ્લાદેશ સામે થનાર ટેસ્ટ સીરિઝમાં પણ તેને રમવાની ઉમ્મીદ છે. બાંગ્લાદેશનો ભારત પ્રવાસ ૩ નવેમ્બરથી શરૂ થશે. ૨ ટેસ્ટ મેચો પહેલાં મહેમાન ટીમ પ્રવાસમાં ટી-૨૦ મેચ પણ રમશે.

Previous articleઑસ્ટ્રે.ની આજે શ્રીલંકા સામે પ્રથમ મૅચઃ સ્મિથ, વોર્નરનો ટી-ટ્‌વેન્ટી ટીમમાં પુનઃપ્રવેશ
Next articleનિર્ભય થઈને ક્રિકેટ રમવાનું હું કોહલી અને એબીડી પાસેથી શીખ્યોઃ શિવમ દુબે