ભાવનગર શહેરના બોરતળાવમાં આવેલ પુલ પરથી ગઈકાલ સાંજે એક યુવાનનો પાણીમાં ગરકાવ થયો હતો. પ્રાપ્ત થતી વિગતો મુજબ બોરતળાવ હરખા ભાભાની વાડીમાં રહેતો ગૌરાંગ પરેશભાઈ ત્રિવેદી ઉં.૨૧ નામનો કોલેજ કરતો યુવક ગઈકાલ સાંજે બોરતળાવ પુલ પર હતો તે દરમિયાન કોઇ કારણોસર પુલ પરથી પડી જતા તળાવમાં ગરકાવ થયો હતો. આ બનાવની જાણ ફાયર વિભાગને થતાં ફાયર ટીમ ઘટના સ્થળ પર પહોંચી હતી. અને આજે સવારથી જ ફાયર ટીમ શોધખોળ કરી હતી અને 24 કલાક ની જેહમત બાદ લાશ મળી હતી.
