સોમનાથ દાદાના દર્શન કરીને ધન્યતા અનુભવતા નાયબ મુખ્યમંત્રી નિતિન પટેલ

1110

 

ગીર સોમનાથ તા. ર૭,

નાયબ મુખ્યમંત્રી નિતિનભાઇ પટેલે આજે વહેલી સવારે ભગવાન સોમનાથ દાદાનાં પૂજન-અર્ચન કરી ધ્વજારોહણ કર્યું હતું.

નાયબ મુખ્યમંત્રીએ પરીવાર સાથે દર્શન-પૂજન અને મહાપુજા કરી ભગવાન સોમનાથને સૈાના કલ્યાણની પ્રાર્થના કરી હતી. ભારતવર્ષનાં આસ્થાકેન્દ્ર દ્દાદશ જ્યોતિર્લીંગનાં દર્શન-પૂજન કરી નાયબ મુખ્યમંત્રીએ ધન્યતા અનુભવી હતી.

સોમનાથ મંદીર ખાતે મુખ્યપુજારી ધનંજયદાદા અને બ્રહ્મગણોએ નાયબ મુખ્યમંત્રીશ્રીને મહાપુજા અને ધ્વજાપુજન કરાવ્યું હતું. આ પ્રસંગે નાયબ કલેકટર પ્રદિપસિંહ રાઠોડ, સોમનાથ ટ્રસ્ટના જનરલ મેનેજર વિંજયસિંહ ચાવડા સાથે રહ્યા હતા. સોમનાથ ટ્રસ્ટ વતી જનરલ મેનેજર ચાવડાએ મોમેન્ટો અર્પણ કરી નાયબ મુખ્યમંત્રનું સન્માન કર્યું હતું. દર્શન-પૂજન બાદ પ્રચાર માધ્યમો સાથે વાતચીત કરતા નાયબ મુખ્યમંત્રીએ કહ્યું કે, હું દર વર્ષે શ્રાવણ માસના સોમવારે ભગવાન સોમનાથ દાદાનાં દર્શન-પૂજન માટે આવું છું તેજ રીતે આ વર્ષે દર્શન-પૂજન માટે આવ્યો છું અને આ વર્ષે ચોમાસું સારૂ થયું છે, તે આપણા સૈા અને ખાસ કરીને ખેડુતો માટે ખુબ સારૂ છે.