કેટલાક ક્રિકેટર્સે રિટાયર્ટ થવાની જાહેરાત કરતા કંઈક અલગ રીત અપનાવી છે. બ્રેક લેવાની. માનવામાં આવી રહ્યું છે કે, પ્લેયર્સ પોતાના દેશની ટીમમાં સિલેક્શન ન થવા પર પોતાની નારાજગી માટે આ રીતનો ઉપયોગ કરી રહ્યા છે. હાલમાં જ પાકિસ્તાનના પેસર વહાબ રિયાઝે ટેસ્ટ ક્રિકેટમાંથી બ્રેક લીધો હતો. હવે આ મામલામાં ઈંગ્લેન્ડના મોઈન અલી નું નામ પણ સામેલ થયું છે. સંયોગ એ પણ છે કે, હાલમાં જ ઈંગ્લેન્ડ એન્ડ વેલ્સ ક્રિકેટ બોર્ડે પોતાના પ્લેયર્સ માટે કોન્ટ્રાક્ટની જાહેરાત કરી છે. તેમાં ટેસ્ટ કોન્ટ્રાક્ટમાં મોઈન અલીનું નામ નથી. અલીના આ નિર્ણય પર તેમના ટાઈમિંગને બહુ જ પસંદ કરવામાં આવ્યો છે. મોઈને એવા સમયે બ્રેકની જાહેરાત કરી છે, જ્યારે તેમનું નામ એ ટેસ્ટ સંબંધિત પ્લેયર્સના લિસ્ટમાં નામ નથી. આવામાં એમ પણ ચર્ચાઈ રહ્યું છે કે, ક્યાંક અલીએ આ નિર્ણય નારાજગીમાં તો નથી લીધો ને. જોકે, ઈસીબી તરફથી આવા કોઈ સંકેત મળ્યા નથી. ઈસીબી પણ અલીના આ નિર્ણયને સપોર્ટ કરે છે તેવુ લાગે છે.
