પશ્ચિમ રેલવે દ્વારા માર્ચ માસમાં અમદાવાદથી પસાર થતી ૧૪ ટ્રેનોમાં વધારાના કોચ જોડવાનો મહત્વનો નિર્ણય લેવાયો છે. લાંબા વેઇટીંગ લિસ્ટ અને મુસાફરોની માંગણીને ધ્યાને લઇને આ નિર્ણય લેવાયો છે.
પોરબંદર-હાવડા, બાન્દ્રા-જમ્મુતવી વિવેક એક્સપ્રેસ, દિલ્હી સરાય રોહિલ્લા-બાન્દ્રા ટર્મિનસ, ભાવનગર-બાન્દ્રા ટર્મિનસ, બાન્દ્રા-જામનગર, ભુજ-દાદર, ભુજ-બાન્દ્રા એક્સપ્રેસમાં એક થર્ડ એસી કોચ જોડાશે.
આ ઉપરાંત ભાવનગર-કોચુવેલી, ઓખા-તૂતીકોરીન, ઓખા-વારાણસી, ઓખા-જયપુર, બાન્દ્રા-પાલીતાણા, બાન્દ્રા-હિસાર અને બાન્દ્રા-જેસલમેર એક્સપ્રેસમાં પણ માર્ચ માસ દરમિયાન એક થર્ડ એસી કોચ જોડવામાં આવનાર છે.
ઉત્તર રેલવેમાં દિલ્હી વિભાગમાં દિલ્હી-ગાજીયાબાદ-સહારનપુર રેલવે ટ્રેક પર ટ્રેક ડબલીંગનું કામ ચાલી રહ્યું છે. જેને લઇને ૮ માર્ચની ૧૯૫૬૫ ઓખા-દહેરાદુન ઉત્તરાંચલ એક્સપ્રેસને વાયા દિલ્હી-દિલ્હી શાહદરા-શામલી જંક્શન થઇને ચાલશે.
પરતમાં ૧૦ માર્ચની ૧૯૫૬૬ દહેરાદૂન-ઓખા ઉત્તરાંચલ એક્સપ્રેસને વાયા ટાપરી જં., શામલી-એ પનેલ-બી પનેલ-તિલક બ્રિજ-ન્યુ દિલ્હી થઇને દોડાવાશે.
