પંચમહાલના શહેરા પાસે કારની અડફેટે અંબાજી દર્શનાર્થે જઈ રહેલા ત્રણ પદયાત્રીઓના મોત થયાની ઘટના બની છે ત્યારે સુરતમાં વધુ એક અકસ્માતની ઘટના બની છે. સુરતના ડીંડોલી વિસ્તારમાં મહાનગર પાલિકાની કચરો ઉપાડી ગાડીએ યુવકને અડફેટે લીધો હતો.
જેના પગલે તેનુ ઘટના સ્થળે મોત નીપજ્યું હતું. ઘટનાના પગલે ઉશ્કેરાયેલા ટોળાએ કચરા ગાડીમાં તોડફોડ કરી હતી. ઘટનાની જાણ થતાં ડીંડોલી પોલીસ પણ ઘટના સ્થળે પહોંચીને આગળની કાર્યવાહી હાથધરી હતી.
મળતી માહિતી પ્રમાણે સુરતના ડીંડોલી વિસ્તારમાં સુરત મહાનગરપાલિકાની કચરો ઉઠાવતી ગાડીએ યુવકને અડફેટે લીધો હતો.
કચરા ગાડીની અડફેટે લેવાથી ગંભીર ઇજાઓ થતાં યુવકનું મોત નીપજ્યું હતું. જોકે, ઉશ્કેરાયેલા લોકોના ટોળાએ કચરા ગાડીઓમાં તોડફોડ કરી હતી. આમ એસએમસીની બે કચરા ગાડીને નુકસાન પહોંચાડ્યું હતું. આ અંગે પોલીસને જાણ થતાં ડીંડોલી પોલીસ ઘટના સ્થળે પહોંચીને આગળની કાર્યવાહી હાથધરી હતી.
