રેલ મંત્રાલયના આદેશ અનુસાર આજે તા.ર૯ જાન્યુઆરીથી મહુવા -બાંદ્રા – મહુવા સાપ્તાહિક સુપર ફાસ્ટ ટ્રેનનો મોટા લીલીયા સ્ટેશન પર આજથી સ્ટોપ શરૂ કરાયો છે. સાંસદ નારણભાઈ કાછડીયાએ લીલીઝંડી આપી ટ્રેનનું પ્રસ્થાન કરાવેલ જેનો મંગળવારે મોટા લીલીયા સ્ટેશન પર સ્ટોપ અપાયો હતો. આ સ્ટેશન પર રાત્રે ૯-૪૭ મિનિટે ટ્રેનનું આગમન અને ૯-૪૮ મિનિટે ઉપડશે. આ પ્રસંગે યોજાયેલ સમારોહમાં ડીવીઝનલ રેલવે મેનેજર રૂપાશ્રીવાસન, ડીવીઝનલ વાણીજય મેનેજર માસુમ અહેમદ તથા રેલ કર્મચારીઓ મોટી સંખ્યામાં ઉપસ્થિત રહ્યા હતાં.
