ઇન્સ્ટાગ્રામ પોસ્ટથી સોશિયલ મીડિયા પર હલચલ મચાવ્યાના એક દિવસ બાદ ઓસ્ટ્રેલિયાના ઓલરાઉન્ડર જેમ્સ ફોકનરે સ્પષ્ટ કર્યું કે, તે સમલૈંગિક નથી. સોમવારે ફોકનરનો ૨૯મો જન્મદિવસ હતો. આ ઓલરાઉન્ડરે પોતાની માતા અને રોબજુબસ્તા નામના વ્યક્તિ સાથે પોતાની તસ્વીર ઇન્સ્ટાગ્રામ પર શેર કરી હતી, જેમાં ફોકનરે બોયફ્રેન્ડ કહ્યું હતું.
ફોકનરે પોતાની ઇન્સ્ટાગ્રામ પોસ્ટ પર લખ્યું હતું, ’જન્મદિવસ પર મારા બોયફ્રેન્ડ (સૌથી સારા સાથી) રોબજુબસ્તા અને મારી માતા રોસ્લિન કૈરોલ ફોકનરની સાથે ડિનર કરી રહ્યો છું.’ પાંચ વર્ષથી એક સાથે.
ફોકનરે મંગળવારે સવારે લખ્યું- સોમવારની રાત્રે મારી પોસ્ટને લઈને ગેરસમજ પેદા થઈ ગઈ છે. હું સમલૈંગિક નથી, પરંતુ સમલૈંગિકનું સમર્થન મળવું શાનદાર રહ્યું.
