આગામી વિશ્વ કપમાં એશિયાની ટીમો શાનદાર પ્રદર્શન કરશે : જોન્ટી રોડ્‌સ

677

સાઉથ આફ્રિકાના પૂર્વ ક્રિકેટર અને વિશ્વના સૌથી શાનદાર ફીલ્ડર જોન્ટી રોડ્‌સ સુરતની મુલાકાતે આવ્યા હતા. તેઓ અહીં ઈમ્પોટ્‌ર્સન્સ ઓફ ફીલ્ડિંગ સેમિનાર અંતર્ગત વિદ્યાર્થીઓને માર્ગદર્શન આપવા આવ્યા હતા. તેમણે અહીં વિદ્યાર્થીઓને સોશિયલ સ્પોટ્‌ર્સ વિશે માર્ગદર્શન આપ્યું હતું. તેમણે વિદ્યાર્થીઓ સાથે પોતાના અનુભવો અંગે ચર્ચા કરી હતી.

શહેરની મુલાકાતે આવેલા જોન્ટી રોડ્‌સે આગામી ૩૦ મેથી ઈંગ્લેન્ડમાં શરૂ થઈ રહેલા આઈસીસી ક્રિકેટ વિશ્વ કપ-૨૦૧૯ને લઈને પોતાની પ્રતિક્રિયા આપી હતી. તેમણે આશા વ્યક્ત કરી હતી કે વિશ્વ કપમાં એશિયાની ત્રણ ટીમો ભારત, પાકિસ્તાન અને બાંગ્લાદેશ સારૂ પ્રદર્શન કરશે. આ સાથે તેમણે કહ્યું કે, યજમાન ઈંગ્લેન્ડનું પલ્ડું ભારે છે.

મહત્વનું છે કે જોન્ટી રોડ્‌સ એક શિક્ષિત પરિવારમાંથી આવે છે. તેમણે કહ્યું કે, મારા માતા-પિતા શિક્ષક હતા. પોતાના સ્પોટ્‌ર્સના ક્ષેત્રમાં કારકિર્દી બનાવવા દેવા માટે તેમણે પોતાના માતા-પિતાનો આભાર પણ વ્યક્ત કર્યો હતો. તેમણે વિદ્યાર્થીઓને સ્પોટ્‌ર્સની સાથે શિક્ષણનું પણ મહત્વ સમજાવ્યું હતું. રોડ્‌સના આ સેમિનારમાં હાજરી આપીને વિદ્યાર્થીઓ પણ ઉત્સાહિત થયા હતા. હાલ સુધી ક્રિકેટમાં માત્ર બેટિંગને મહત્વ આપતા યુવા ખેલાડીઓને તેમણે ફીલ્ડિંગનું પણ મહત્વ સમજાવ્યું હતું.

Previous articleક્વાલિફાયર-૨ : ચેન્નાઇ સુપર અને દિલ્હીની વચ્ચે આજે જંગ
Next articleકંઇ ફર્ક નથી પડતો કે સામે કયો બૉલર છેઃ ઋષભ પંત