ગ્રીનસીટી દ્વારા મેયર તથા સ્ટેન્ડીંગ કમીટીના ચેરમેનના હસ્તે વૃક્ષારોપણ કરાયું

0
160

ગ્રીનસીટી સંસ્થા દ્વારા દિવાળી પછી નવા વર્ષના વૃક્ષારોપણનો પ્રારંભ લાભ પાંચમના શુભ દિનથી મેયર મનભા મોરી તથા સ્ટેન્ડીંગ કમીટીના ચેરમેન યુવરાજસિંહના હસ્તે કરવામાં આવ્યો હતો . વૃક્ષનું વિધિવત પૂજન કરી વૃક્ષારોપણનો પ્રારંભ કરવામાં આવ્યો હતો . હાલમાં જ ગ્રીનસીટી સંસ્થાએ કોર્પોરેશન પોથી હલુરીયા ચોકથી ક્રેસન્ટ સર્કલ સુધીનું ડીવાઈડર દત્તક લીધુ હતું . આ ડીવાઈડરમાં ધારાસભ્ય શ્રી વીભાવરીબેન દવે દ્વારા ટી – ગાર્ડમાં ચંપાના વૃક્ષો નાખવામાં આવ્યા છે . આજરોજ ગ્રીનસીટી દ્વારા આ ડીવાઈડરમાં બાકીની જગ્યામાં પીળી કરણના ૨૦૦ વૃક્ષો નાખવામાં આવ્યા હતા . હવેથી આ ડીવાઈડરના તમામ વૃક્ષોને પાણી પાવાની જવાબદારી ગ્રીનસીટી સંસ્થા સંભાળશે. આથી થોડા જ સમયમાં આ રોડ હરીયાળીથી ખીલી ઉઠશે. ઉલ્લેખનીય છે કે ગ્રીનસીટી સંસ્થાએ શહેરમાં જેટલા પણ ડીવાઈડર દત્તક લીધા છે. તેનું ખૂબજ કાળજીપૂર્વક જતન થઈ રહ્યું છે. નિયમિત પાણી પાવામાં આવી રહ્યું છે. આ વૃક્ષોને ગ્રીનસીટીના દેવેનભાઈ શેઠ પોતે જાતે પણ છોટા હાથીમાં બેસીને તેમના વ્યવસ્ત શીડયુલ વચ્ચે પણ રોજના ૩ કલાક પાણી પાવા જાય છે . ગ્રીનસીટીની એક માત્ર નેમ છે . ભાવનગર શહેરને હરીયાળુ બનાવવાની . આ માટે લોકોનો , દાતાઓનો , મીડીયાનો તથા કોર્પોરેશનનો સુંદર સહકાર મળી રહ્યો છે . આ વૃક્ષારોપણ પ્રસંગે ગ્રીનસીટીના દેવેનભાઈ શેઠ, તારકભાઈ શાહ, પિયુષભાઈ વ્યાસ તથા સંસ્થાના અન્ય સભ્યો હાજર રહ્યા હતાં .

LEAVE A REPLY

Please enter your comment!
Please enter your name here