રશિયાના ત્રણ ધનવાનોની સંપતિ ફ્રિજ કરવાની જાહેરાત જર્મનીએ ઝટકો આપ્યો, બે ગેસ પાઈપલાઈન અટકાવી
લંડન, તા.૨૩
રશિયા દ્વારા યુક્રેનની સંપ્રભુ સીમાના વિસ્તારોને અલગ દેશ જાહેર કરવાથી નારાજ બ્રિટનએ ચેતવણી આપી હતી કે તે રશિયા પર સખત પ્રતિબંધ લગાવશે. હવે યુક્રેનના દોનેત્સકમાં રશિયાની સેના નજરે પડ્યા બાદ બ્રિટને મોડુ ન કરતા રશિયાની પાંચ બેંકો પર પ્રતિબંધ લગાવી દીધા છે. જે બેંકો પર પ્રતિબંધ લગાવવામાં આવ્યા છે. જેમાં રોસિયા બેંક, આઈએસ બેંક, જનરલ બેંક, પ્રોમસ્વાજ બેંક અને બ્લેક સી બેંકનો સમાવેશ થાય છે. એટલું જ નહીં આ સિવાય રશિયાના ત્રણ ધનવાનોની સંપતિ પણ ફ્રિજ કરવાની જાહેરાત કરી છે. પૂર્વ યુક્રેનમાં બે અલગ અલગ વિસ્તાર દોન્સ્તસક અને લુહાંસ્કને અલગ દેશ તરીકે માન્યતા આપવાના રશિયાના રાષ્ટ્રપતિ વ્લાદીમીર પુતિનના નિર્ણયને ધ્યાનમાં રાખીને બ્રિટને મોસ્કો પર પ્રતિબંધ લગાવ્યા છે. જર્મનીએ ઝટકો આપતા ચાન્સેલર ઓલાફ શોલ્જે જાહેર કર્યુ કે, તેમના દેશે નોર્ડ સ્ટ્રીમ ૨ ગેસ પાઈપલાઈનના અપ્રૂવલ પ્રોસેસને રોકી દીધી છે. ૧૧ બિલિયન ડોલરની આ ગેસ પાઈપલાઈન બાલ્ટિક સાગરમાંથી થઈને રશિયાના સાઈબેરિયાથી જર્મની સુધી જશે. આ પાઈપલાઈન રશિયા અને જર્મનીની વચ્ચે પહેલાથી ચાલી રહેલાં નોર્ડ સ્ટ્રીમ ૧ની ક્ષમતાને લગભગ બે ગણી કરી દેશે. રશિયા આ પાઈપલાઈન દ્વારા યૂરોપના બીજા દેશો સુધી પોતાના ગેસને પહોચાડવાનું સપનું જોઈ રહ્યું હતું. જર્મનીના આ નિર્ણયથી રશિયાએ તિખી પ્રતિક્રિયાઆપી છે. પૂર્વ પ્રધાનમંત્રી અને વર્તમાનમાં રશિયા સંઘની સુરક્ષા પરિષદના ઉપાધ્યક્ષ દિમિત્રી મેદવેદેવે કહ્યું કે, યૂરોપના લોકોને ટૂંક સમયમાં આની મોટી કિંમત ચૂકવવી પડશે. બ્રિટનના પ્રધાનમંત્રી બોરિસ જોનસેને રશિયાના રાષ્ટ્રપતિ વ્લાદિમીર પુતિનના દોસ્તની રોસિયા બેંક પર તો પ્રતિબંધ લગાવ્યો, સાથે જ રશિયા કુલીન ટિમચેંકો અને રોટેનબર્ગ બ્રદર્સની સંપતિઓને ફ્રિજ કરી છે. સાથે જ તેઓને યુકેમાં ઘૂસવા પર પણ પ્રતિબંદ લગાવવાની જાહેરાત કરી છે. અમેરિકા અને પશ્ચિમી દેશો દ્વારા પહેલેથી ચેતવણી આપવામાં આવી હતી કે જો રશિયા યુક્રેનની સીમાઓ સાથે ગડબડ કરશે તો સખત જવાબી કાર્યવાહી કરવામાં આવશે. તો આ પહેલાં યુક્રેન સંકટને લઈને બ્રિટને એક ઈમરજન્સી બેઠક બોલાવી હતી. આ બેઠકમાં રશિયા પર પ્રતિબંધ લગાવવાની તૈયારીઓ કરવામાં આવી હતી. બ્રિટિશના પ્રધાનમંત્રી બોરિસ જોનસને આ ઈમજન્સી બેઠકની અધ્યક્ષતા કરી હતી. કેબિટને ઓફિસર બ્રીફઇંગ રૂમ-એની આ બેઠક મંગળવારે સવારે યોજાઈ હતી. આ બેઠક બ્રિટિશ સ્વાસ્થ્ય મંત્રી સાજિદ જાવિદના નિવેદન બાદ થઈ હતી. જાવિદે કહ્યું હતં કે, દોનેત્સક પાસે ટેન્ક જોવા મળી હતી. જેનાથી એ વાત સાબિત થાય છે કે યુક્રેન પર હુમલો શરૂ થઈ ચૂક્યો છે. રશિયાના આ પગલાની વ્યાપકપણે નિંદા થયા બાદ કોબરા બેઠક યોજાઈ હતી. જર્મનીના ચાંસેલર ઓલાફ શોલ્જે કહ્યું કે, તેમની સરકાર યુક્રેનમાં રશિયાની કાર્યવાહીના જવાબમાં આ પગલું ઉઠાવી રહી છે. શોલ્જે જણાવ્યું કે તેમની સરકારે નોર્ડ સ્ટ્રીમ ૨ ગેસ પાઈપલાઈનના અપ્રૂવલ પ્રોસેસને રોકી દીધી છે. જો હું કહું તો એમાં નિશ્ચિત રૂપે સમય લાગશે. તેઓએ કહ્યું કે, અર્થવ્યવસ્થા મંત્રાલયને ફેડરલ નેટવર્ક એજન્સીઓની સાથે ગેસની આપૂર્તિની સુરક્ષા પર રિપોર્ટ પરત લેવા માટે કહ્યુ હતું. જર્મન ચાંસેલરે એવું પણ કહ્યું કે, આ એપ્રૂવલ વગર ગેસ પાઈપલાઈન શરૂ નહીં થઈ શકે. તેઓ આ સ્થિતિનું ફરીથી મૂલ્યાંકન કરશે અને પોતાનો નિર્ણય લેશે.
