શિક્ષણ મંત્રી જીતુભાઈ વાઘાણીએ આજે સાંજે સ્વર્ણિમ જયંતિ મુખ્યમંત્રી શહેરી વિકાસ યોજના અંતર્ગત ભાવનગર શહેરના તખ્તેશ્વર વોર્ડમાં રૂ. ૫૬ લાખના ખર્ચે બનનારા પેવર રોડના કામોનું ખાતમુહૂર્ત કર્યું હતું. આ અંતર્ગત તેમણે રૂ.૫૬ લાખના ખર્ચે ટી.બી.ઝેડ.થી કાળુભા રોડને જોડતો તેમજ મામલતદાર ઓફિસ થી જેલ સુધી તખ્તેશ્વર વોર્ડના પેવર રોડના કામોનું ખાતમુહૂર્ત કર્યું હતું. આ તકે સ્ટેન્ડીગ કમિટીના ચેરમેન ધીરૂભાઇ ધામેલિયા, મહામંત્રી અરૂણભાઈ પટેલ, શહેર ભા.જ.પા.ના પ્રમુખ રાજીવભાઈ પંડ્યા સહિતનાં મહાનુભાવો, અધિકારીઓ તેમજ વોર્ડના આગેવાનો અને વિસ્તારનાં લોકો બહોળી સંખ્યામાં ઉપસ્થિત રહ્યાં હતાં
