શહેરના કરચલીયાપરા વોર્ડના કોંગ્રેસના કોર્પોરેટર ગવબુને ચૌહાણના પુત્ર અને તેના પત્ની કોળિયાક ગામે નૈવેદ કરવા ગયા હતા ત્યા કરચલીયા પરામાં રહેતા શખ્સે છરી મારી દેતા ગંભીર હાલતે સારવાર અર્થે ભાવનગર હોસ્પિટલ ખસેડાયા છે.
પ્રાપ્ત વિગત મુજબ શહેરના કરચલીયા પરામાં રહેતા નગરસેવિકા ગવુબેન કાનાભાઈ ચૌહાણના પુત્ર બિપીનભાઈ કાનાભાઈ ચૌહાણ અને તેના પત્ની મીનાબેન તેના પીયર કોળિયાક ખાતે નીવેદન કરવા ગયા હતા ત્યારે શૌચક્રિયા કરવા જતાં તેની પાછળ કરચલીયા પરામાં રહેતો સંદીપ રાજેશભાઈ મકવાણા નામનો શખ્સ જતા બીપીનભાઈએ કેમ પાછળ આવે છો તેમ કહેતા ઉશ્કેરાઈ ગયેલા સંદીપ મકવાણાએ છરી વડે બિપનીભાઈ પર હુમલો કરી છાતી અને સાથળના ભાગે ગંભીર ઈજાઓ કરી નાસી છુટયો હતો. બનાવમાં ઈજાગ્રસ્ત યુવાનને ભાવનગર સારવાર અર્થે ખસેડાયો છે.
