બોલિવુડમાં સેક્સી સ્ટાર તરીકેની છાપ ધરાવતી ઇશા ગુપ્તા હાલમાં ટોટલ ધમાલ ફિલ્મમાં રહ્યા બાદ હવે તે બીજી બે ફિલ્મમાં કામ કરવા જઇ રહી છે. આ ઉપરાંત તેની પાસે ફેશનના કેટલાક પ્રોજેક્ટો પણ છે. ફિલ્મો કરતા સોશિયલ મિડિયા પર તેના ફોટાના કારણે વધારે ચર્ચામાં રહે છે. ટોપલેસ ફોટાઓ તેના વારંવાર મિડિયા પર નજરે પડે છે. જો કે ફિલ્મો મેળવી લેવા માટે તમામ પ્રયાસો કરવામાં આવ્યા હોવા છતાં તેને બોલિવુડની ફિલ્મો પ્રમાણમાં ઓછી હાથ લાગી રહી છે. તેની પાસે સિક્વલ અને મલ્ટી સ્ટાર ફિલ્મો જ મોટા ભાગે રહી છે. હાલમાં પણ તે આવી જ ફિલ્મો હાથમાં ધરાવે છે. તેની પાસે હાલમાં હેરાફેરી સિરિઝની ત્રીજી ફિલ્મ હાથ લાગી છે. આ ઉપરાંત તેની પાસે આંખે-૨ પણ છે. બોલિવુડમાં સેક્સ સિમ્બોલ તરીકે વધારે જાણીતી રહેલી અભિનેત્રી ઇશા ગુપ્તાએ હાલમાં ટેટુ ડે પર પોતાના ટોપલેસ ફોટોઓ પોસ્ટ કરતા તેની ભારે ચર્ચા જોવા મળી હતી. તેના સેક્સી ફોટોની ચર્ચા સામાન્ય ફિલ્મી ચાહકોમાં પણ જોવા મળે છે. તે ફરી એકવાર એક્શન સ્ટાર અક્ષય કુમાર સાથે ફિલ્મમાં કામ કરવા માટે ઇચ્છુક છે. અક્ષય સાથે હાલમાં રૂસ્તમ ફિલ્મમાં કામ કર્યા બાદ તેની લોકપ્રિયતા સતત વધી હતી. બોલિવુડમાં ઘણા સમયથી હોવા છતાં સફળતા મેળવવામાં નિષ્ફળ રહેલી ઇશા ગુપ્તા હવે કેરિયરમાં નવા પ્રાણ ફુંકવામાં સફળ રહી છે. તેની રૂસ્તમ ફિલ્મને બોક્સ ઓફિસ પર સારી સફળતા મળી ગયા બાદ હવે ઇશા ગુપ્તા ખુબ ખુશ છે. જો કે તે હજુ પણ વધુ એક ફિલ્મ અક્ષય કુમાર સાથે કરવા માટે તૈયાર છે. તેનુ કહેવુ છે કે તે હવે તેની બોલિવુડ કેરિયરને લઇને સંતુષ્ટ છે. તેનુ કહેવુ છે કે અક્ષય કુમાર સાથે તે ફિલ્મમાં અભિનેત્રી તરીકે ભૂમિકા કરવા માંગે છે. રૂસ્તમના સંબંધમાં વાત કરતા ઇશાએ કહ્યુ છે કે આ ફિલ્મ શરૂઆતથી તેને ગમી ગઇ હતી. રાજ-૩ ફિલ્મમાં કામ કરી ચુકેલી અભિનેત્રીએ કહ્યુ છે કે તે પહેલાથી જ અક્ષય કુમારની મોટી ચાહક રહી છે. બોલિવુડમાં તે પ્રવેશી ગઇ તે પહેલાથી જ તે અક્ષય કુમારની ફિલ્મોને પસંદ કરતી રહી છે. તેનુ કહેવુ છે કે અક્ષય કુમાર ફિલ્મમાં તેના માટે ગીત ગાય, તે સાડી પહેરીને અક્ષય કુમારની અભિનેત્રી તરીકે દેખાય તેવી તેની ઇચ્છા છે. ઇશા ગુપ્તા બોલિવુડમાં છેલ્લા ઘણા સમયથી છે પરંતુ તેને નાની નાની ભૂમિકા જ મળી છે. તેની છાપ એક સેક્સ સિમ્બોલ અભિનેત્રી તરીકે રહી છે. હાલના દિવસોમાં તેની પાસે કેટલીક સારી ઓફર આવી છે. ઇશા ગુપ્તા બોલિવુડમાં નવી અભિનેત્રીઓ વચ્ચે ચાલતી ગળા કાપ સ્પર્ધાને લઇને બિલકુલ હેરાન નથી.
