અભિષેક વર્માએ ૧૦ મીટર એર પિસ્ટલમાં ગોલ્ડ અને  સૌરભ ચૌધરીએ બ્રોન્ઝ જીત્યો

543

બ્રાઝીલમાં યોજાયેલા શૂટિંગ વર્લ્ડ કપમાં ભારતના અભિષેક વર્માએ પુરૂષ ૧૦ મીટર એર પિસ્ટલ ઈવેન્ટમાં ગોલ્ડ મેડલ જીત્યો હતો. સૌરભ ચૌધરીએ પણ આ જ ઈવેન્ટમાં બ્રોન્ઝ મેડલ જીત્યો હતો. તુર્કીના ઈસ્માઈલ કેલેસ સિલ્વર મેડલ જીતવામાં સફળ રહ્યો હતો. દરમિયાન બીજીતરફ પુરૂષ ૫૦ મીટર રાઈફલ (૩ પોઝિશન) સંજીવ રાજપૂતે સિલ્વર મેડલ મેળવ્યો હતો.

આ સાથે જ તેણે આગામી વર્ષે ટોક્યો ઓલિમ્પિક માટે ક્વોલિફાય પણ કર્યું હતું. સંજીવ ઓલિમ્પિકમાં સ્થાન મેળવનાર ભારતનો આઠમો શૂટર બન્યો છે. આ અગાઉ અંજુમ મૌદગિલ, અપૂર્વ ચંદેલા, સૌરભ ચૌધરી, અભિષેક વર્મા, દિવ્યાંશ સિંહ, રાહી સરનોબત અને મનુ ભાકરે ઓલિમ્પિકમાં પોતાનું સ્થાન નિશ્ચિત કરી લીધું હતું.

પુરૂષ ૧૦ મીટર એર પિસ્ટલ સ્પર્ધામાં અભિષેકે ૨૪૪.૨ પોઈન્ટ મેળવ્યા હતા જ્યારે સૌરભ ચૌધરીએ ૨૨૧.૯ પોઈન્ટ મેળવ્યા હતા. તુર્કીના ખેલાડીએ ૨૩૪.૧ પોઈન્ટ પ્રાપ્ત કર્યા હતા. અભિષેક અને સૌરભે ક્વોલિફાઈંગ ઈવેન્ટમાંજ ઓલિમ્પિક ક્વોટા મેળવી લીધો હતો. ક્વોલિફાઈંગ રાઉન્ડમાં સૌરભ ૫૮૪ પોઈન્ટ સાથે ચોથા જ્યારે અભિષેક ૫૮૨ પોઈન્ટ સાથે પાંચમા સ્થાને રહ્યો હતો.

Previous articleસેક્સી મૌની રોય ફિલ્મને લઇ ખુબ ઉત્સુક બની છે
Next articleધોની સ્પોટ્‌ર્સ ડે પર અમેરિકામાં કેદાર જાધવ સાથે ગોલ્ફ રમ્યો