બાબરા તાલુકા માં ચાલુ ચોમાસા સીજન માં ધીમીધારે ખેતી ની જમીન માં બિન નુકશાન દાયક અને છેલ્લા ત્રીશ વર્ષ ના સરેરાશ કરતા વધુ વરસાદ થી બાબરા પંથક ની તમામ નદી નાળા કુવા વોકળા સહિત માં પુષ્કળ જળ પ્રવાહ પુરા વેગ સાથે વહી રહ્યો છે
બાબરા તાલુકા માં સિંચાઈ માટે ઉપયોગી ગણાતા મહત્વ ના બાબરા રામપરા તળાવ છેલ્લા આઠ દિવસ થી ઓવરફલો અને કરીયાણા ગામે આવેલ કાળુભાર ડેમ બે દિવસ થી ઓવરફલો થયો છે જયારે બાબરા ના નીલવડા રોડ ઉપર આવેલ રાજાશાહી વખત નું મેલડી માતા વાળું તળાવ માં ચાર ફૂટ જળરાશી જમા થયા બાદ ઓવરફલો થવા ની તૈયારી માં છે જયારે બાબરાતાલુકા ના શિમ વિસ્તાર માં વહેતા પાણી ના વોકળા સહિત ખેત ઉપયોગી કુવા માં પુષ્કળ પ્રમાણ માં જળ રાશી સંગ્રહિત થવા પામી છે એકંદરે સર્વત્ર ખેત જમીનો માં બિનનુકશાન કારક વરસાદ થી ખેડૂતો માં હર્ષ જોવા મળે છે જયારે સરકારી આકડા ઉપર નજર કરીયે તો બાબરા તાલુકો છેલ્લા ત્રીશ વર્ષ ના વરસાદી સરેરાશ કરતા આગળ નીકળી ચુક્યો છે
જેમાં વર્ષ ૧૯૮૯ થી ૨૦૧૮ સુધી માં બાબરા તાલુકા માં સરેરાશ વરસાદ ૬૦૭ મીમી નોંધાય છે જયારે ચાલુ સીજન માં બાબરા તાલુકા માં ૭૩૧ મી.મી વરસાદ નોંધાઈ ચુક્યો છે સરકારી આકડા મુજબ તાલુકા માં ૧૨૭.૨૦ % વરસાદ તા.૧૨ ની સંધ્યા સુધી માં નોંધાઈ ચુક્યો છે
એકધારા વરસાદ થી હાલ તલ ના પાક માં વ્યાપક નુકશાન દર્શાઈ આવે છે જયારે કુદરતી આફત રૂપે માત્ર ખાખરીયા ગામે વીજળી પડવા થી ખેડૂત ના બળદ નું મોત થયા સિવાય કોઈ વરસાદી નોંધપાત્ર બનાવ તાલુકાભર માં બન્યો નથી
ચાલુ વર્ષ ના ચોમાસા થી ખેડૂતો સહિત ગ્રામ્ય શહેરી જીવન પુલકિત બન્યું છે અને શિમ વગડા માં સર્વત્ર હરિયાળી છવાઈ જતા મોહક નજારો જોવા મળે છે
