સિહોર શહેરની નામાંકિત શૈક્ષણિક સંસ્થા વિદ્યામંજરી જ્ઞાનપીઠ, સંસ્કૃતિ સ્કૂલ, સિહોર ખાતે તા-૨૬/૦૯/૧૯ને ગુરુવારનાં રોજ શ્રી રામકૃષ્ણ આશ્રમ, રાજકોટ દ્વારા સ્વામી વિવેકાનંદનાં જીવન-ચરિત્ર વિશે એક સેમીનારનું આયોજન થયું હતું. જેમાં ધોરણ – ૧૧,૧૨ (આટ્ર્સ/કોમર્સ) નાં વિદ્યાર્થીઓને શ્રી રામકૃષ્ણ આશ્રમ નાં વક્તા કૌશિકભાઇ ગોસ્વામી દ્વારા સ્વામી વિવેકાનંદનાં આદર્શ વિચારો જેવા કે “માનવસેવા એ જ પ્રભુસેવા”, “હિંમતવાન થાઓ, તાકાતવાન થાઓ અને સમજો કે તમારા નસીબના ઘડનારા તમે પોતે જ છો.”, “આત્મશ્રદ્ધા જ માનવને નરમાંથી સિંહમર્દ બનાવે છે.” તેમજ “પવિત્રતા એ સૌથી મોટી શક્તિ છે”; તમામ વસ્તુઓ એનાથી ડરે છે. વગેરે જેવાં વિચારોથી વિદ્યાર્થીઓને સાહસિક, સંસ્કારી તેમજ આત્મવિશ્વાસુ બનવાની પ્રેરણા તેમજ સ્વામી વિવેકાનંદનાં જીવનમાં આચરેલ સનાતન હિંદુ ધર્મનાં આદર્શો અને વિચારોની જાણકારી આપવામાં આવી હતી.
