સિંગર નેહા કક્કડે ઘરમાં ક્રિકેટ પીચ બનાવડાવી

158

(સંપૂર્ણ સમાચાર સેવા) મુંબઈ, તા.૧
બોલિવુડની પ્લેબેક સિંગર નેહા કક્કડ હાલ સિંગિંગ રિયાલિટી શો ઈન્ડિયન આઈડલ ૧૨ જજ કરી રહી છે. સિંગર તેના ભાઈ-બહેનને કેટલો પ્રેમ કરે છે, તે વાત સૌ જાણે છે. બુધવારે નેહા કક્કડે તેના ઈન્સ્ટાગ્રામ અકાઉન્ટ પર એક રિલ શેર કરી છે, જેમાં તે તમામને એક ક્રિકેટ પીચ બતાવતી જોવા મળી છે. જે તેના ઘરના ગાર્ડન એરિયામાં બનાવાઈ રહી છે. વાત એમ છે કે, નેહા કક્કડ તેના ભાઈ ટોની માટે આ પીચ બનાવડાવી રહી છે અને તેને ગિફ્ટ તરીકે આપી છે. ટોની કક્કડે નેહાની આ પોસ્ટ પર કોમેન્ટ કરીને તેનો આભાર માન્યો છે. ટોનીએ લખ્યું છે કે, હંમેશા માટેની શ્રેષ્ઠ ગિફ્ટ નેહૂ. હું નસીબદાર છું. આભાર. તું સાચેમાં ભગવાનનું બાળક છે. લાખો લોકો માટે પ્રેરણાસ્ત્રોત. તારી ઉપલબ્ધિઓ મને વધારે મહેનત કરવા માટે પ્રેરણા આપે છે’. તો રોહનપ્રીત સિંહે કોમેન્ટ કરી છે કે, ’વાઉ, બાબુ આ તો માત્ર ટોની ભાઈ માટે જ નહીં પરંતુ હકીકતમાં મારા માટે પણ સરપ્રાઈઝ ગિફ્ટ બની ગઈ. ટોની કક્કડે તેની ઈન્સ્ટાગ્રામ સ્ટોરીમાં આ વીડિયો શેર કર્યો છે અને સાથે લખ્યું છે કે, મ્યૂઝિકની સુપરસ્ટાર. નેહા કક્કડ કંઈ પણ કરી શકે છે. બોસ ગર્લ નેહૂ. હાલમાં, નેહા કક્કડે પતિ રોહનપ્રીત સાથે લગ્ન બાદની પહેલી હોળી મનાવી હતી. જેમાં તેમની સાથે પરિવારના સભ્યો અને મિત્રો પણ જોડાયા હતા. બધાએ સાથે મળીને પહેલા પૂલ પાર્ટી કરી હતી અને બાદમાં એકબીજાને રંગ લગાવ્યો હતો. ઉલ્લેખનીય છે કે, નેહા અને રોહનપ્રીતના લગ્ન ગયા વર્ષે ઓક્ટોબર મહિનામાં થયા હતા. નેહા કક્કડનું આલ્બમ સોન્ગ મરજાણિયાં હાલમાં જ રિલીઝ થયું છે. જેમાં બિગ બોસ ૧૪ની વિનર રુબિના દિલૈક અને તેનો પતિ અભિનવ શુક્લા છે. આ સોન્ગ નેહાના ફેન્સને ખૂબ પસંદ આવી રહ્યું છે.