આપડે જયારે ઉત્સવો ઉજવતા હોઈએ છીએ ત્યારે દેશના સમાડાઓ પર તમામ વિષમ પરિસ્થિતી વચ્ચે પરિવારથી દુર સૈનિકો પોતાની ફરજ બજાવતા હોય છે. દેશ વાસીઓ આ સેનીકોની સેવા અને દેશપ્રેમની કદર કરે છે અને સમગ્ર દેશ તેમની સાથે છે તેવી પ્રતિતિ કરાવવી પ્રત્યેક નાગરિકની ફરજ છે અને આજ ઉમદા હેતુ સાથે ભાવનગરના ૪૯૦ સ્કાઉટ ગાઈડ, રોવર-રેન્જરે રાખડી મોકલી રક્ષાબંધનની શુભેચ્છા વ્યકત કરી છે.
ભાવનગર જિલ્લા ભારત સ્કાઉટ-ગાઈડ સંઘ દ્વારા હર્ષલ પુષ્કર્ણા દ્વારા ચાલતી સિયાચીન અવરનેસ ડ્રાઈવ અને એક રાખી ફૌજી કે નામ અભિયાનમાં જોડાઈને ભાવનગરના ૪૯૦ વિદ્યાર્થીઓએ ૪૯૦ રાખડી તથા પત્રો સૈનિકોને મોકલ્યા છે. ભાવનગરમાંથી આ પ્રમાણે એક સાથે ફૌજીઓને રાખડી મોકલવાની કદાચ આ પ્રથમ ઘટના છે.
