કેન્દ્રિય રાજ્ય મંત્રી સિંહે કહ્યું કે કેન્દ્ર સરકાર પેન્શનરોની જરૂરિયાતો પ્રત્યે સંવેદનશીલ છે અને તેમના માટે સરળ જીવન સુનિશ્ચિત કરે છે
નવી દિલ્હી, તા.૩૦
પોતાના જ પૈસા મેળવવા માટે ઘણીવાર પેન્શનરોને કચેરીઓના ધક્કા ખાવા પડતા હોય છે. કેન્દ્ર સરકારે આ અંગે મહત્ત્વનો નિર્ણય લીધો છે જેને કારણે વડીલોને પારાવાર મુશ્કેલીઓમાંથી રાહત મળશે. હવે દસ્તાવેજો નહિ પણ માત્ર ચહેરો બતાવવાથી મળી જશે પેન્શન, કર્મચારીઓને પડતી મુશ્કેલીઓમાંથી મળશે મુક્તિ. કર્મચારી, જાહેર ફરિયાદ અને પેન્શન મંત્રાલયે ડિજિટલ રીતે પ્રમાણપત્રો જારી કરવાની સુવિધા પહેલેથી જ શરૂ કરી છે. કેન્દ્રિય રાજ્ય મંત્રી સિંહે કહ્યું કે કેન્દ્ર સરકાર પેન્શનરોની જરૂરિયાતો પ્રત્યે સંવેદનશીલ છે અને તેમના માટે સરળ જીવન સુનિશ્ચિત કરે છે. કેન્દ્રીય રાજ્ય મંત્રી જિતેન્દ્ર સિંહે યુનિક ફેસ રેકગ્નિશન ટેક્નોલોજી લોન્ચ કરી છે. તે પેન્શનરો માટે જીવન પ્રમાણપત્રના પુરાવા તરીકે કામ કરશે અને નિવૃત્ત અને વૃદ્ધ નાગરિકો માટે સરળતા સુનિશ્ચિત કરશે. પેન્શન ચાલુ રાખવા માટે તમામ પેન્શનરોએ વાર્ષિક ધોરણે તેમનું જીવન પ્રમાણપત્ર સબમિટ કરવું જરૂરી છે. કર્મચારી, જાહેર ફરિયાદ અને પેન્શન મંત્રાલયે ડિજિટલ રીતે પ્રમાણપત્રો જારી કરવાની સુવિધા પહેલેથી જ શરૂ કરી છે. સિંહે કહ્યું કે કેન્દ્ર સરકાર પેન્શનરોની જરૂરિયાતો પ્રત્યે સંવેદનશીલ છે અને તેમના માટે સરળ જીવન સુનિશ્ચિત કરે છે. ૨૦૧૪ માં સત્તામાં આવ્યા પછી તરત જ, સરકારે પેન્શનરો માટે ડિજિટલ જીવન પ્રમાણપત્ર રજૂ કરવાનો અને અમલ કરવાનો નિર્ણય લીધો હતો. તેમણે કહ્યું કે હવે ફેસ રેકગ્નિશન ટેક્નોલોજી પેન્શનરોને વધુ મદદ કરશે. કેન્દ્રીય મંત્રીએ કહ્યું કે જીવન પ્રમાણપત્રો આપવા માટેની ચહેરાની ઓળખની ટેકનોલોજી એ ઐતિહાસિક અને દૂરગામી સુધારો છે. આ માત્ર ૬૮ લાખ કેન્દ્ર સરકારના પેન્શનરોના જીવનને સ્પર્શશે નહીં પરંતુ ઈઁર્હ્લં અને રાજ્ય સરકારોને પણ મદદ કરશે. મંત્રીએ આ ટેક્નોલોજી વિકસાવવા અને પેન્શન અને પેન્શનર્સ કલ્યાણ વિભાગની આવી પહેલને શક્ય બનાવવા માટે ઈલેક્ટ્રોનિક્સ અને માહિતી પ્રૌદ્યોગિકી મંત્રાલયની સાથે ેૈંંડ્ઢછૈં (ભારતની અનન્ય ઓળખ પ્રાધિકરણ)નો પણ આભાર માન્યો છે. મંત્રીએ કહ્યું કે પ્રધાનમંત્રી નરેન્દ્ર મોદીની આગેવાની હેઠળની સરકારે હંમેશા નિવૃત્ત લોકો અને પેન્શનરો સહિત સમાજના તમામ વર્ગો માટે જીવનની સરળતા લાવવાનો પ્રયાસ કર્યો છે, જે તમામ અનુભવ અને આપવામાં આવેલ લાંબા વર્ષોની સેવા સાથે દેશની સંપત્તિ તરીકે આગળ આવ્યા છે. મંત્રીએ એ વાત પર પણ ફરી ભાર મૂક્યો કે કોરોના વાયરસ રોગચાળાના સમયમાં પણ પેન્શન વિભાગે પ્રોવિઝનલ પેન્શન અથવા ફેમિલી પેન્શનની છૂટ માટે ઘણા સુધારા કર્યા હતા. તેમણે વધુમાં જણાવ્યું હતું કે પેન્શન વિભાગ તેના કામ માટે ટેક્નોલોજીનો વ્યાપક ઉપયોગ કરી રહ્યું છે, પછી ભલે તે ભારત સરકારના તમામ મંત્રાલયો માટે પેન્શનની બાબતોની પ્રક્રિયા કરવા માટે ઈન્ટેલિજન્ટ કોમન સોફ્ટવેર ફ્યુચરની રજૂઆત કરવાની હોય અથવા ડિજિટલ જીવન પ્રમાણપત્ર મેળવવાનો બાબત હશે.
