ભાવનગરમાં આજે એક સાથે ૨૪ કોરોનાનો નવા કેસ નોંધાયા, ૫૦ ડિસ્ચાર્જ

7

શહેરમાં ૧૬૨ અને ગ્રામ્યમાં ૯૯ દર્દી મળી કુલ એક્ટિવ કેસની સંખ્યા ૨૬૧ પર પહોંચી
ભાવનગર જિલ્લામાં કોરોનાના કેસમાં સતત વધારો થઈ રહ્યો છે ભાવનગરમાં આજે ૨૪ નવા કોરોના કેસ નોંધાયા હતા, શહેરમાં આજે ૨૨ નવા કેસ નોંધાયા હતા, જેમાં ૧૧ પુરુષ અને ૧૧ સ્ત્રીનો કોરોનાનો રિપોર્ટ પોઝિટિવ આવ્યો હતો, જયારે ગ્રામ્યમાં આજે ૨ કેસ નોંધાયા હતા, જેમાં ૨ પુરુષનો કોરોનાનો રિપોર્ટ પોઝિટિવ આવ્યો હતો. ભાવનગર મહાપાલિકા વિસ્તારમાં ૪૮ અને તાલુકાઓમાં ૨ કેસ મળી કુલ ૫૦ કોરોના પોઝિટિવ દર્દીઓ કોરોનામુક્ત થતા તેને હોસ્પિટલમાંથી રજા અપાઈ છે. ભારત સરકારની નવી માર્ગદર્શિકા પ્રમાણે આ દર્દીઓની આરોગ્ય ચકાસણી કરતા અને તેઓ માર્ગદર્શિકાના માપદંડો પ્રમાણે સ્વસ્થ જણાતા આ દર્દીને આજરોજ હોમ આઈસોલેશનમાં રહેવા માટે હોસ્પિટલ માંથી રજા આપવામાં આવી હતી.શહેરમાં ૧૬૨ અને જિલ્લામાં ગ્રામ્યમાં ૯૯ દર્દી મળી કુલ ૨૬૧ એક્ટિવ કેસ થયા છે. ભાવનગર જિલ્લામાં નોંધાયેલા ૨૯ હજાર ૮૪૫ કેસ પૈકી હાલ ૨૬૧ દર્દીઓ સારવાર હેઠળ છે. જ્યારે અત્યાર સુધીમાં જિલ્લામાં ૩૬૨ દર્દીઓનું અવસાન થયું છે.