ભાવનગર શહેરમાં આજરોજ ગંગાજળીયા વિસ્તારમાં ટ્રાફીકને અડચણરૂપ અતુલ રીક્ષાને ટ્રાફીક પોલીસ દ્વારા લોક મારી દીધો હતો પણ રીક્ષા ચાલક ભારે અઘરો હોય પોલીસે મારેલા લોકની ચોરી કરી નાસી છુટ્યાની પોલીસમાં ફરિયાદ નોંધાઈ છે.
પ્રાપ્ત વિગત મુજબ, ભાવનગર ટ્રાફીક શાખામાં ફરજ બજાવતા અરવિંદસિંહ સહદેવસિંહ સરવૈયાએ ગંગાજળીયા પોલીસ મથકમાં ફરિયાદ નોંધાવી છે કે, ગંગાજળીયા તળાવમાં ટ્રાફીકને અડચણરૂપ થાય તેવી રીતે ઉભેલી અતુલ રીક્ષા જીજે૪ડબલ્યુ ૮ર૬પને પોલીસ કર્મીએ લોક મારી દીધો હતો પણ અતુલ રીક્ષાનો ચાલક અઘરો નિકળ્યો. પોલીસે મારેલા લોકની ચોરી કરી લઈ ગયો. બનાવ અંગે પોલીસ રીક્ષા ચાલક વિરૂધ્ધ ચોરીનો ગુનો નોંધી વધુ તપાસ હાથ ધરી છે.
