પાટનગરમાં રહેણાંક વિસ્તારમાં કોમર્શિયલ પ્રવૃત્તિ કરતાં એકમોની સીલીંગ પ્રક્રિયા હાથ ધરાતાં બે દિવસ બંધ રાખી વેપારીઓએ વિરોધ દર્શાવવા બંધનું એલાન આપ્યું હતું. જયાં અસરકર્તા વિસ્તાર છે તેવા સે.ર૪, ૧૭/રર તથા અન્ય વિસ્તારની દુકાનો બંધ રહી હતી. જયારે કાયદેસરના કોમ્પ્લેક્ષમાં રહેલાં વેપારીઓએ બંધ નહી પાળતાં બંધના એલાનને મિશ્ર પ્રતિભાવ મળ્યો હતો. બંધ રહેલા વિસ્તારના નાગરિકોને ચીજ-વસ્તુઓ નહીં મળતાં હાલાકી સર્જાઈ હતી.
