બાબરા મધ્યમાંથી પસાર થતા રાજકોટ ભાવનગર સ્ટેટ હાઇવે ઉપર સ્પીડબ્રેકર ના અભાવે અવાર નવાર અકસ્માત સર્જાતા હોવાની સાથો સાથે અનેક લોકો ને મરણ ના શરણ થવું પડે છે અને અવારનવાર ગ્રામ્ય વિસ્તાર માં ગતી અવરોધક મુકવા ની માંગો છતાં સ્ટેટ માર્ગમકાન વિભાગ દ્વારા યોગ્ય કરવા માં નહી આવતા અકસ્માત ના પગલે લોકરોષ વધી રહ્યો છે
આજે બપોર ના સમયે બોડીયા હનુમાન મંદિરે ધાર્મિક પર્વ ની ઉજાણી અને પ્રસાદ આરોગી ઘર તરફ પરત આવી રહેલા મિત્રો ના પોલીસ મથક લગોલગ બાઈક સાથે પુરપાટ ગતી માં આવી રહેલ ડમ્પર ના ચાલક ની ગફલત ના કારણે અકસ્માત નોતરી બંને ના ઘટના સ્થળે મોત નીપઝાવી ડમ્પર ચાલક પોતાનું વાહન મૂકી નાસી છૂટ્યો હતો. વિગત મુજબ આજે બપોરે પોલીસ મથક નજીક ડમ્પર નંબર જીજે ૧૧ ટીટી ૭૫૧૩ સાથે સામે થી આવી રહેલા બાઈક નંબર જી.જે.૧૪ એફ.૩૫૭૬ ધડાકાભેર અથડાતા બાઈક સ્વાર સુરેશભાઈ રતાભાઈ સુવાણ(ઉ.વ.૩૫), જગાભાઈ બાવદિનભાઈ રાઠોડ (ઉ.વ. ૪૮) નું કમકમાટી ભર્યા મોત થયા હતા મૃતક સુરેશભાઈ બાબરા માલધારી સમાજ ના યુવા અગ્રણી અને દૂધ કલેકશન ડેરી તેમજ ખેતી પશુપાલન નો વ્યવસાય કરતા હતા. જ્યારે જગાભાઈ ખેતી સહિત મજુરી કરી પોતાનું જીવન નિર્વાહ કરતા હોવાનું જાણવા મળ્યું છે ગ્રામ્ય મધ્ય માં પસાર થતા રોડ ઉપર અકસ્માત થી વાહન વ્યવહાર સ્થગિત બનતા પોલીસ મથક ના મહિલા ફોજદાર ગીતા આહીર સહિત ના સ્ટાફે દોડી આવી મૃતકો ને પી.એમ. માટે દવાખાને ખસેડવા સહિત વાહન વ્યવહાર પૂર્વવર્ત કરાવી અને અકસ્માત નોતરી નાશી છુટેલા વાહન ચાલક ની શોધખોળ શરૂ કરવા માં આવી છે બનાવ ના પગલે માલધારી સમાજ અને કોળી સમાજ સહિત ના લોકો સરકારી દવાખાને મોટી સંખ્યા માં દોડી આવ્યા હતા અને ગ્રામ્ય વિસ્તાર માં શોક નો માહોલ થયો છે.
