એક ઝલક બાપૂ કી પાંચ એક ખુશ્બુ કી વિજેતાની જાહેરાત

473

પર્યટન પર્વ ઉજવણી ૨૦૧૯નાં ભાગરૂપે અને મહાત્મા ગાંધીની ૧૫૦મી જન્મજયંતિનાં પ્રસંગે ગુજરાત ટૂરિઝમે ઇનોવેટિવ કાઉન્સિલ ઓફ ઇન્ડિયન ટૂરિઝમ (આઇસીઆઇટી) સાથે જોડાણમાં એક ઝલક બાપૂ કી….એક ખુશ્બૂ ગુજરાતી કી ફોટો કન્ટેસ્ટનું આયોજન કર્યું હતું, જેનો ઉદ્દેશ ગુજરાત રાજ્યનાં જીવંત પ્રવાસન સ્થળો તરફ ફોટોગ્રાફર્સને આકર્ષવાનું અને તેમને પ્રોત્સાહન આપવાનું હતું, જેમાં ગાંધીજીએ પ્રવાસ કરેલા સ્થળો સામેલ છે. ફોટો કન્ટેસ્ટને સારો આવકાર મળ્યો હતો, જેમાં ગુજરાત રાજ્યનાં ૧૦૦થી વધારે ફોટોગ્રાફર્સ સહભાગી થયા હતાં. ઇનામ વિતરણ સમારંભ સાથે એક ઝલક બાપૂ કી….એક ખુશ્બૂ ગુજરાતી કી ફોટો એક્ઝિબિશનનું આયોજન અમદાવાદમાં સાયન્સ સિટી ખાતે કરવામાં આવ્યું હતું, જેમાં અન્ય એન્ટ્રીઓ સાથે વિજેતાઓનાં ફોટોગ્રાફ પ્રદર્શિત કરવામાં આવ્યાં છે.

આ પ્રદર્શનની મુલાકાત મોટી સંખ્યામાં લોકોએ લીધી હતી, જેમાં સહભાગીઓ અને સાધારણ જનતા સામેલ હતી. ઇન્ડિયા આફ્રિકા ઇન્ટરનેશનલ ગાંધી આર્ટ કેમ્પ દ્વારા પ્રદર્શિત રસપ્રદ પેઇન્ટીંગ્સ પ્રદર્શનનું અન્ય એક આકર્ષણ હતું. આ ચિત્રો ૧૦ ભારતીય ચિત્રકારો અને ૧૦ આફ્રિકન ચિત્રકારોએ બનાવ્યાં હતાં, જેમાં મોહનથી મહાત્માની અભૂતપૂર્વ સફર દર્શાવી હતી. ઇનામ વિતરણ સમારંભ દરમિયાન રૂ. ૧ લાખથી વધારેનાં ઇનામોનું વિતરણ થયું હતું. પ્રથમ, બીજા અને ત્રીજા ઇનામનાં વિજેતાઓને અનુક્રમે રૂ. ૫૧,૦૦૦, રૂ. ૩૧,૦૦૦ અને રૂ. ૧૧,૦૦૦નું ઇનામ આપવામાં આવ્યું હતું તેમજ ૧૦ કલાકારોને રૂ.૩,૦૦૦-રૂ.૩,૦૦૦નાં આશ્વાસન ઇનામ આપવામાં આવ્યાં હતાં. આ પ્રસંગે સહભાગીઓ અને આઇસીઆઇટીનાં નિર્ણાયકો ઉપસ્થિત હતાં. પર્યટન પર્વની ઉજવણીએ આ કાર્યયોજના માટે રાજ્યમાં બધા ફોટોગ્રાફરને રોકીને ગુજરાત પ્રવાસનને યોગ્ય મંચ પ્રદાન કરવાનો માર્ગ મોકળો કર્યો છે, જેનો વિસ્તૃત ઉદ્દેશ ગુજરાતને શ્રેષ્ઠ પ્રવાસન સ્થળ બનાવવાનો છે. એક ઝલક બાપૂ કી..એક ખુશ્બૂ ગુજરાતી કીમાં સમગ્ર ગુજરાતમાંથી ફોટોગ્રાફર્સની ભાગીદારી સાથે કાર્યક્રમ ગુજરાત રાજ્યને પ્રસિદ્ધ પ્રવાસન સ્થળ તરીકે પ્રોત્સાહન આપવા સંયુક્તપણે અસરકારક બન્યો હતો.

Previous articleધાનેરા ગામમાં ડિપ્થેરિયાની બિમારીથી ૪ બાળકોના મોત
Next articleદિવાળીના તહેવારની તૈયારી પુરજોશમાં.