(સંપૂર્ણ સમાચાર સેવા) મુંબઈ,તા.૩૧
બિગ બોસ ઓટીટી માટેનું કાઉન્ટડાઉન શરુ થઈ ગયું છે અને પસાર થઈ રહેલા દિવસોની સાથે જ ફેન્સનો ઉત્સાહ પણ વધી રહ્યો છે. મીડિયામાં ઘણા પોપ્યુલર સેલિબ્રિટીના નામની ચર્ચા થઈ રહી છે ત્યારે, અમારા સહયોગી ઈટાઈમ્સ ટીવીને મળેલી લેટેસ્ટ ખબર પ્રમાણે મેકર્સે મ્યૂઝિક સેન્સેશન તેવી ભાઈ-બહેનની જોડી નેહા કક્કડ અને ટોની કક્કડનો સંપર્ક કર્યો છે. શો સાથે સંકળાયેલા સૂત્રોએ જણાવ્યું હતું કે, શોની થીમ સ્ટે કનેક્ટેડ છે. શોમાં ભાગ લઈ રહેલા કન્ટેસ્ટન્ટ્સનું, જેની સાથે શોમાં જશે તેની સાથે કંઈક ખાસ કનેક્શન ધરાવતા હશે. મેકર્સે થીમને પૂરતો ન્યાય આપવાનો પ્રયાસ કરી રહ્યા છે. બિગ બોસના ઓટીટી વર્ઝન માટે મેકર્સે નેહા અને ટોનીનો સંપર્ક કર્યો છે. ટોની કક્કડના લેટેસ્ટ સોન્ગ સોના મેરા સોના સોના અને કૂર્તા પાયજામા કાલા હિટ ગયા છે, તો બીજી તરફ નેહા કક્કડ છેલ્લે સિંગિંગ રિયાલિટી શો ઈન્ડિયન આઈડલ ૧૨ જજ કરતી જોવા મળી હતી. પતિ રોહનપ્રીત સિંહ સાથે ટાઈમ પસાર કરવા માગતી હોવાથી હાલ તેણે શોમાંથી બ્રેક લીધો છે. સિંગરે ગયા વર્ષના ઓક્ટોબર મહિનામાં દિલ્હીમાં ધામધૂમથી લગ્ન કર્યા હતા. બિગ બોસ ઓટીટીના હોસ્ટ માટે પસંદ થયા બાદ કરણ જોહરે જણાવ્યું હતું કે મારી માતા અને હું બિગ બોસના ફેન છીએ, એક દિવસ પણ તેને જોવાનું ચૂકતા નથી. દર્શક તરીકે, હાઈવોલ્ટેજ ડ્રામાના કારણે તે મને જકડી રાખે છે. એક દશકાથી, મને હંમેશા ટીવી શો હોસ્ટ કરવો ગમતો આવ્યો છે અને બિગ બોસ ઓટીટીમાં પણ મજા આવ છે. બિગ બોસ ઓટીટીમાં સેન્સેશન અને ડ્રામેટિક કન્ટેન્ટ હશે. આશા રાખું છું કે, મારા ફેન્સ અને દર્શકોની આશા પર ખરો ઉતરીશ. મારી સ્ટાઈલમાં વીકએન્ડ કા વારને આનંદદાયી બનાવીશ.
