ફિલ્મ ’ત્રિપલ એક્સ રિર્ટન ઓફ ઝેન્ડર કેજ’માં દીપિકા સાથે કામ કરનાર ક્રિસ વુની થઈ ધરપકડ

357

(જી.એન.એસ)બેઇજિંગ,તા.૨
બોલીવુડ અભિનેત્રી દીપિકા પાદુકોણ સાથે ફિલ્મ ’ત્રિપલ એક્સ રિર્ટન ઓફ ઝેન્ડર કેજ’માં કામ કરનાર અભિનેતા ક્રિસ વુની તાજેતરમાં જ ધરપકડ કરવામાં આવી છે. ક્રિસ વુ પર ૨૦ થી વધુ મહિલાઓ પર બળાત્કાર કરવાનો આરોપ છે. હકીકતમાં, ગયા મહિને, ક્રિસ પર ૧૮ વર્ષીય ચીની વિદ્યાર્થીએ બળજબરીથી સેક્સ કરવાનો આરોપ લગાવ્યો હતો. વિદ્યાર્થીએ ચીની મીડિયાને જણાવ્યું હતું કે ક્રિસે તેને દારૂ પીધા બાદ સેક્સ કરવાની લાલચ આપી હતી. પીડિતાએ કહ્યું- ’ક્રિસ વુની ટીમે તેને મ્યુઝિક વીડિયોમાં લેવા માટે લાલચ આપીને ઘરે બોલાવી હતી એટલું જ નહીં, પીડિતાએ કહ્યું કે અન્ય સાત મહિલાઓએ પણ તેને કહ્યું, ક્રિસ વુએ પણ તેના પર બળાત્કાર કર્યો છે. ક્રિસ વુ પર આરોપ લગાવ્યા બાદ ૨૪ અન્ય મહિલાઓ પણ આગળ આવી છે. તેણે પોપ સ્ટાર પર અયોગ્ય વર્તન અને બળાત્કારનો આરોપ લગાવ્યો છે. હવે આ કેસમાં અભિનેતાને કસ્ટડીમાં લેવામાં આવ્યો છે. આ કિસ્સામાં, બેઇજિંગમાં પોલીસ અધિકારીઓએ જણાવ્યું હતું કે પોપ સ્ટાર પર કડક કાર્યવાહી ઓનલાઇન આરોપો પર કેન્દ્રિત છે. ૩૦ વર્ષીય પોપ સ્ટાર ક્રિસ વુએ યુવતીઓ સાથે સેક્સ માણવા માટે ઘણી વખત છેતરપિંડી કરી હતી. વકીલોનું કહેવું છે, જો આરોપો નક્કી થાય છે તો ક્રિસ વુએ ચીનમાં તેની સજા ભોગવવી પડશે. જો દોષિત સાબિત થાય તો અભિનેતાને ૧૦ વર્ષ સુધીની જેલની સજા થઈ શકે છે. વળી, તેની સજા પૂરી થયા બાદ જ તેને કેનેડામાં પ્રત્યાર્પિત કરવામાં આવશે. જોકે, ક્રિસે અગાઉ આ આરોપોને નકારી દીધા છે. જોકે, કેનેડિયન દૂતાવાસે પણ આ બાબતે કોઈ પ્રતિક્રિયા આપી નથી.

Previous articleઅભિનેત્રી જ્હાનવી કપૂરએ કર્યો લગ્નના પ્લાન વિશે ખૂલાસો
Next articleરણદીપ હુડ્ડા સહીત અનેક સ્ટાર્સે ભારતીય મહિલા હોકી ટીમને સેમિ.માં પ્રવેશ માટે અભિનંદન આપ્યા