ભાવનગરના કાજાવદર ગામે વાડીમાં આગ લાગતાં 150 મણના મગફળીનો જથ્થો બળીને ખાક

9

મગફળીનો જથ્થો સળગીને સ્વાહા જતાં ખેડૂતને અંદાજે રૂપિયા દોઢથી બે લાખનું નુકશાન થયું
ભાવનગર જિલ્લાના સિહોર તાલુકાના કાજાવદર ગામે સિમમા આવેલી એક વાડીમાં આગ લાગતાં ખુલ્લો પડેલો મગફળીનો જથ્થો બળીને ખાખ થઇ જતાં ખેડૂતને રાતા પાણીએ રોવાનો વારો આવ્યો છે. આ આગમાં અંદાજીત રૂપિયા દોઢથી બે લાખ જેટલું આર્થિક નુકસાન ખેડૂતને થયું છે. સિહોર તાલુકાના કાજાવદર ગામે રહેતા અને ગામની સીમમાં વાડી ધરાવતા નાથા દેવસંગ મોરીએ આ વર્ષે ચોમાસામાં પોતાની વાડીમાં મગફળીનું વાવેતર કર્યું હતું જેમાં આ ખરીફ પાક લણી સિંગના પાથરા ખુલ્લી જગ્યામાં સુકવવા માટે મૂક્યા હતાં. જેમાં આજરોજ સવારે કોઈ આકસ્મિક કારણોસર મગફળીના જથ્થામાં આગ ભભૂકી ઉઠી હતી.મગફળીમાં આગ લાગતાં ખેડૂત પરીવારે આગ ઓલવવાની ખૂબ કોશિષ કરી હતી. પરંતુ વિકરાળ આગ જોતજોતામાં 150 મણના જથ્થામાં પ્રસરી ગણતરીના સમયમાં જથ્થો સળગીને સ્વાહા થઈ ગયો હતો. જેને પગલે ખેડૂતને અંદાજે રૂપિયા દોઢથી બે લાખ જેવી રકમની નુકસાની થવા પામી છે.