ટીવીનાં સૌથી વિવાદિત શૉ ‘બિગ બૉસ’ની એક્સ કંટેસ્ટેંટ અને જાણીતી એક્ટ્રેસ સારા ખાન પોતાના બૉલ્ડ અંદાજને લઇને હંમેશા ચર્ચામાં રહે છે. સારાનો એક વિડીયો અત્યારે ચર્ચામાં છે. આ વિડીયો તેના નવા ગીત ‘બ્લેક હાર્ટ’નો છે, જે આ મહિને ૨૧ તારીખે રીલીઝ કરવામાં આવ્યો હતો. સારા આ વિડીયોમાં ઘણા જ બૉલ્ડ અંદાજમાં જોવા મળી રહી છે. તેણે પોતાનો આ વિડીયો જેવો ઇન્સ્ટાગ્રામ પર શેર કર્યો તે લોકોનાં નિશાને આવી ગઈ હતી. સારાનાં આ વિડીયો પર એક ઇન્સ્ટાગ્રામ યૂઝરે લખ્યું, ‘મે આજ સુધી આને સંપૂર્ણ કપડામાં જોઈ જ નથી, તારાથી સારી તો રાખી સાવંત છે.’ તો એક અન્ય યૂઝરે લખ્યું, ‘રાખી સાવંત સાથેની દોસ્તીની આ અસર છે.’ આ પહેલા પણ સારા ઘણીવાર સોશિયલ મીડિયા પર ટ્રોલ થઈ ચુકી છે. સારાએ હાલમાં જ બિકિની પહેરીને ફૉટોશૂટ કરાવ્યું હતુ.
