અમદાવાદ શહેરના પૂર્વ વિસ્તારમાં અત્યાર સુધી સાંજના પાંચ વાગ્યા સુધી મેટ્રો ટ્રેન દોડતી હતી, પરંતુ હવે ગુજરાત મેટ્રો રેલ કોર્પોરેશન દ્વારા જારી કરેલા નવા સમયપત્રક પ્રમાણે સાંજના સાડા છ વાગ્યા સુધી મેટ્રો દોડશે.
જેમાં અપરેલ પાર્ક અને વસ્ત્રાલ ગામ તરફ એમ બે વિભાગમાં સંચાલન થશે. જેમાં વસ્ત્રાલ ગામથી વહેલી સવારે ૯ વાગે મેટ્રો ઉપડશે જે ૯ઃ૦૪ વાગે નિરાંત ચોકડી અને ત્યાર બાદ ૯ઃ૧૫ વાગે અમરાઈવાડી પહોચશે. આમ વસ્ત્રાલગામથી અમરાઈવાડીનું અંતર ૧૫ મિનિટમાં પુરૂ થશે.
આવી જ રીતે અપેરલ પાર્કથી સવારે ૯ઃ૨૫ વાગે મેટ્રો ઉપડશે જે ૯ઃ૩૦ વાગે અમરાઈવાડી પહોચશે જ્યારે ૯ઃ૪૧ વાગે નિરાંત ક્રોસ રોડ પહોચશે.
આ પ્રકારે વસ્ત્રાલ ગામ તરફ જતી મેટ્રો દિવસના કુલ ૧૧ ફેરા કરશે, જ્યારે અપરેલ પાર્ક તરફ જતી મેટ્રોલ દિવસના કુલ ૧૨ ફેરા કરશે.
