દેશની સૌથી મોટી સરકારી બૅન્ક, ભારતીય સ્ટેટ બૅન્ક૧ ઑક્ટોબરથી તેના ઘણા નિયમોમાં ફેરફાર કરવા જઈ રહી છે. બૅન્કે આ અંગે એક પરિપત્ર જાહેર કર્યો છે. નવા નિયમો અનુસાર એસબીઆઇએ ચેક બૂકમાં પેઇઝ ઘટાડ્યા છે, જ્યારે બીજી બાજુ ચેક બૂક પર ફીમાં વધારો કરવામાં આવ્યો છે. નવા નિયમો ૧ ઑક્ટોબર ૨૦૧૯થી દેશભરમાં લાગુ થશે. સર્વિસ ચાર્જની નવી યાદી મુજબ હવે નાણાકીય વર્ષમાં ૨૫ ની જગ્યાએ બચત ખાતા પર ફક્ત ૧૦ ચેક જ મફત આપવામાં આવશે. ત્યારબાદ ૧૦ ચેક લેવા માટે ૪૦ રૂપિયા ચૂકવવા પડશે. જ્યારે પહેલા તમારે ૧૦ ચેક લેવા માટે ૩૦ રૂપિયા ચૂકવવા પડતા હતા. બૅન્ક ખાતામાં જમા કરાવવાનાં નિયમો- ૧ ઑક્ટોબર ૨૦૧૯ પછી તમે એક મહિનામાં તમારા ખાતામાં ફક્ત ત્રણ વખત જ પૈસા મફતમાં જમા કરાવી શકશો. જો તમે આ રકમથી વધુ જમા કરાવો તો તમારે દરેક વ્યવહાર પર ૫૦ રૂપિયા (વધારાના જીએસટી) ચૂકવવા પડશે. બૅન્ક સર્વિસ ચાર્જ પર ૧૨% જીએસટી લે છે. આ રીતે જ્યારે તમે ચોથો, પાંચમો અથવા વધુ વખત જમા કરશો, ત્યારે તમારે દરેક વખતે ૫૬ રૂપિયા વધારે આપવાના રહેશે. મહિનાનું લઘુત્તમ બૅલેન્સના નિયમો – શહેરોમાં ન્યૂનતમ બૅલેન્સ ૫૦૦૦ થી ઘટાડીને ૩૦૦૦ રૂપિયા કરવામાં આવશે. નવા નિયમોમાં પરિવર્તન હેઠળ જો કોઈ ગ્રાહક તેના ખાતામાં ઓછામાં ઓછું ૩૦૦૦ રૂપિયા બૅલેન્સ રાખતો હોય અને તેની રકમ ઘટીને ૧૫૦૦ થઈ જાય તો તેના પર ૧૦ રૂપિયા અને જીએસટીનો ચાર્જ લેવામાં આવશે.
સેમી અર્બન શાખામાં એસબીઆઈના ગ્રાહકોએ તેમના ખાતામાં મહિનાનું લઘુત્તમ બૅલેન્સ ૨૦૦૦ રૂપિયા રાખવું પડશે. અર્ધ શહેરી શાખામાં, જો ગ્રાહક ૫૦ ટકાથી ઓછું સંતુલન જાળવી રાખે છે, તો તેણે ૭.૫૦ રૂપિયા જીએસટી ચૂકવવો પડશે. નિફટ અને આરટીજીએસ નિયમ બદલાયો – નેશનલ ઇલેક્ટ્રોનિક ફંડ્સ ટ્રાન્સફર અને રિયલ-ટાઇમ ગ્રોસ સેટલમેન્ટનો ચાર્જ પણ બદલાશે. આ ડિજિટલ ચુકવણીનું માધ્યમ મફત છે અને તેની ફી શાખા પર વસૂલવામાં આવે છે. ૧૦,૦૦૦ રૂપિયા સુધીની એનઇએફટી વ્યવહારો પર ૨ રૂપિયા જીએસટી લાગશે. ૨ લાખથી વધુની એનઇએફટી માટે ૨૦ રૂપિયામાં જીએસટી આપવામાં આવશે. ૫ લાખથી વધુના ટ્રાન્ઝેક્શન ૪૦ રૂપિયા જીએસટી ચુકવવો પડશે. આરટીજીએસ માટે ૨ લાખ રૂપિયાથી ૫ લાખની વચ્ચે ગ્રાહકે ૨૦ રૂપિયા જીએસટી ભરવો પડશે. ૫ લાખ રૂપિયાથી વધુનું આરટીજીએસ ટ્રાન્સફર ૪૦ રૂપિયાથી વધારે ચુકવવા પડશે. એસબીઆઈ અટીએમ નિયમો – એસબીઆઈના એટીએમ ચાર્જમાં પણ ૧ ઑક્ટોબરથી બદલાવ આવશે. હવે બૅન્કના ગ્રાહકો મેટ્રો શહેરોના એસબીઆઇ એટીએમથી વધુમાં વધુ ૧૦ મફત ડૅબિટ ટ્રાન્ઝેક્શન કરી શકશે. હાલમાં આ મર્યાદા ૬ વ્યવહારોની છે. ચેકબૂકના નિયમો – ૧ ઑક્ટોબરથી બચત બૅન્ક ખાતાધારકને પ્રથમ ૧૦ ચેક મફતમાં મળશે. ત્યારબાદ ૧૦ ચેક લેવા માટે ૪૦ રૂપિયા ચૂકવવા પડશે. જ્યારે પહેલા તમારે ૧૦ ચેક લેવા માટે ૩૦ રૂપિયા ચૂકવવા પડતા હતા. બૅન્કના પરિપત્ર મુજબ જો કોઈ ટેકનીકી કારણોસર (બાઉન્સ સિવાય) ૧ ઑક્ટોબર પછી ચેક પાછો આવે છે, તો ચેક જાહેર કરનારને ૧૫૦ રૂપિયા અને વધારાના જીએસટી ચૂકવવા પડે છે. આ ચાર્જ જીએસટી સહિત ૧૬૮ રૂપિયા રહેશે.
