એક સમયનો પાટીદાર અનામત આંદોલનનો ચહેરો અને હાલ કોંગ્રેસી નેતા હાર્દિક પટેલનો શું હવે કોંગ્રેસથી મોહભંગ થયો છે. શું હાર્દિક પટેલ ગમે ત્યારે કોંગ્રેસ સાથેનો છેડો ફાડી શકે છે. આ સવાલો એટલા માટે ઉઠી રહ્યાં છે. હાલમાં હાર્દિક પટેલ પેટાચૂંટણી માટે કોંગ્રેસનો પ્રચાર કરી રહ્યો છે. અને ભાજપ સરકાર સામે ગંભીર આક્ષેપ કરી રહ્યો છે. તેવા સમયે આ પોસ્ટરે ચર્ચા જગાવી છે.
જેમાં હાર્દિક પટેલનો ફોટો સાથે લખ્યું છે કે, તેમના માટે કોઇ પાર્ટી મહત્વની નથી.સાથે ઉલ્લેખ કર્યો કે, તે ફક્ત ગુજરાતની જનતા માટે લડવા નિકળ્યો છે. શું આ પોસ્ટથી હાર્દિક પોતાની અનામત આંદોલન વાળી છાપ પાછી લાવવા માંગે છે. શું હાર્દિક ફરી એકવાર રાજકીય નેતામાંથી આંદોલનનો નેતા બનવા માંગે છે. આવી ચર્ચાએ પણ જોર પકડ્યું છે. હાલ આ પોસ્ટર પાટીદારોના વોટ્સઅપ ગ્રુપમાં પણ વાયરલ થયું છે. જો કે જ્યારે આ બાબતે હાર્દિક પટેલનો સંપર્ક કરવામાં આવ્યો તો તેણે કહ્યું કે આ પોસ્ટ ખૂબ જ જૂની છે. અને તેના કોઇ સમર્થકે આ પોસ્ટ વાયરલ કરી હોઇ શકે છે.
