પ્રકાશના પર્વ દિવાળીનું આગમન થઈ ગયું છે. આ વર્ષના દીપોત્સવી પર્વની ઉજવણીમાં ઝગમગાટ માટે ચાઈનીઝ લાઈટ્સ ભલે બજારમાં આવી ગઈ છે, પરંતુ પ્રજાપતિ – કુંભાર લોકોનાં હાથની કારીગરીવાળા પરંપરાગત કોડિયાએ પણ એનું સ્થાન જાળવી રાખ્યું છે. શહેરના અનેક વિસ્તારોમાં ફૂટપાથ પર વેચાઈ રહેલા દીવડાં-કોડિયા રસ્તે આવતા-જતા લોકોનું ધ્યાન આકર્ષિત કરી રહ્યા છે. લોકો પણ આ આકર્ષક રંગબેરંગી દીવડાઓની હોશે-હોશે ખરીદી કરી રહ્યા છે.
