રાપર તાલુકાના નંદાસર નજીક આવેલી નર્મદા કેનાલનો પુલ ધરાશાયી થતા ૪થી વધુ લોકો ઈજાગ્રસ્ત થયા છે. ઘટના બાદ પોલીસ અને એમ્બ્યુલન્સની ટીમ ઘટના સ્થળે આવી પહોંચી હતી. ઈજાગ્રસ્ત મજૂરોને ભચાઉની ખાનગી હોસ્પિટલમાં સારવાર અર્થે દાખલ કરવામાં આવ્યા છે.
થોડા સમય પહેલા જ ગાંધીનગરથી આવેલી ટીમે અહીં નવો પુલ બનાવવા વિશે વાતચીત કરી હતી. પરંતુ સ્થાનિક અધિકારીઓએ માત્ર રિપેરીંગ ચાલુ રાખ્યું હતું. જેથી આજે વહેલી સવારે અચાનક પુલ ધરાશાયી થઇ જતા નંદાસર ગામના ૪ મજૂરોએ પોતાનો જીવ ગુમાવ્યો છે. અધિકારીઓના નબળા કામને લઇને ગામના લોકોમાં ભારે રોષ ઉભરાયો છે.
