એપ્રિલમાં જથ્થાબંધ ભાવ સૂચકાંક ૩.૧૮થી ઘટી ૩.૦૭ ટકા નોંધાયો

296

એપ્રિલમાં હોલસેલ પ્રાઈસ ઈન્ડેક્સ (ઉઁૈં) ફુગાવાનો વાર્ષિક દર સહેજ ઘટીને ૩.૦૭ ટકા નોંધાયો છે, જે માર્ચમાં ૩.૧૮ ટકા હતો, તેમ સરકારની યાદીમાં જણાવાયું હતું.

વેપાર અને વાણિજ્ય મંત્રાલય દ્વારા જારી કરવામાં આવેલા નિવેદનમાં જણાવ્યું હતું કે, એક વર્ષ અગાઉના સમાનગાળા દરમિયાન જથ્થાબંધ ભાવાંક આધારિત ફુગાવાનો દર ૩.૬૨ ટકા નોંધાયો હતો. એપ્રિલ, ૨૦૧૯માં તમામ કોમોડિટીના હોલસેલ પ્રાઈસ ઈન્ડેક્સ ૦.૮ ટકા વધી ૧૨૦.૯ થયો હતો.પ્રાથમિક ચીજવસ્તુના ભાવમાં ૩.૩ ટકાનો વધારો જોવા મળ્યો હતો અને તેનો ઈન્ડેક્સ માર્ચમાં ૧૩૪.૭થી વધી એપ્રિલમાં ૧૩૯.૨ થયો હતો.

સૂચિતગાળામાં ખાદ્યાન્ન ફુગાવામાં ૩.૪ ટકાની વૃદ્ધિ જોવા મળી હતી. ખાદ્ય પદાર્થોમાં ચાના ભાવમાં ૧૫ ટકા, ફળ ફળાદી અને શાકભાજીના ભાવમાં ૧૪ ટકા, વટાણાના ભાવમાં ૬ ટકા, મકાઈના ભાવ ૫ ટકા, પોલ્ટ્રી ચીકન ૪ ટકા, મરી મસાલાના ભાવમાં ૨ ટકા, બાજરાના ભાવમાં ૩ ટકા અને ચણાના ભાવમાં ૨ ટકા અને મસૂર, અડદ, મટન અને રાજમાના ભાવમાં૧ ટકાની વૃદ્ધિ જોવા મળી હતી.

જોકે, ઈંડાના ભાવમાં ૬ ટકા, નાગરવેલના પાનના ભાવમાં ૪ ટકા ઘઊંના ભાવમાં ૩ ટકા, બીફ અને ભેંસના માંસના ભાવમાં ૧ ટકાનો ઘટાડો નોંધાયો હતો.

બિન ખાદ્યપદાર્થોના ભાવમાં ૨.૬ ટકાની વૃદ્ધિ જોવા મળી હતી. સૂચિતગાળામાં ઈંધણના ભાવમાં ૦.૫ ટકાનો ઘટાડો જોવા મળ્યો હતો જ્યારે મિનરલ્સ ઓઈલના ભાવમાં ૦.૪ ટકાની વૃદ્ધિ જોવા મળી હતી. એલપીજીના ભાવમાં ૫ ટકા, નેપ્થામાં ૩ ટકા, પેટ્રોલ અને કેરોસીનમાં ૨ ટકા અને છ્‌હ્લના ભાવમાં ૧ ટકાનો ઉછાળો નોંધાયો હતો.

જોકે, એપ્રિલમાં પેટ્રોલિયમ કોકના ભાવમાં ૩ ટકા, ફરનાસ ઓઈલના ભાવમાં ૨ ટકા અને ૐજીડ્ઢના ભાવમાં ૧ ટકાનો ઘટાડો નોંધાયો હતો. વીજળીના નીચા ભાવને પગલે ઈલેક્ટ્રીસિટી ગ્રુપ ઈન્ડેક્સ ૩.૧ ટકા ઘટીને ૧૦૭.૩ થયો હતો.