મહારાજા કૃષ્ણકુમારસિંહજી ભાવનગર યુનિવર્સિટીના કર્મચારીઓની ધિરાણ અને ગ્રાહક સહકારી મંડળી લી. દ્વારા તથા મંડળીના સભાસદ વામનરાય વી. ભટ્ટના સહયોગથી મંડળીના સભાસદો કે જેઓએ અગાઉ નામ નોંધાવેલ તેવા આશરે ૧૦૦થી વધારે સભાસદોને આનંદનો ગરબોની બુકનું વિતરણ પ્રથમ નવરાત્રિના દિવસે વિનામુલ્યે કરવામાં આવ્યુ. આનંદનો ગરબો બુક મેળવનાર તમામ સભાસદો નિયમિત ગરબાનો પાઠ કરે અને આધ્યાત્મિક શક્તિમાં વધારો થાય તેવા હેતુથી આ વિશિષ્ટ કામગીરી કરવામાં આવી. આનંદનો ગરબો બુકના વિતરણ માટે મંડળીની કચેરી મારફત મંડળીના પ્રમુખ ડો.પી.એ. ગોહિલ અને માનદ મંત્રી મિલનસિંહ એલ. પરમાર તથા સભાસદ અને જેના દ્વારા આ બુક ફાળવવામાં આવી છે તેવા દાતા વામનરાય વી. ભટ્ટ દ્વારા વિતરણ કરવામાં આવ્યું હતું. મંડળી દ્વારા સભાસદોનો આર્થિક, શારીરિક, માનસિક અને આધ્યાત્મિક ઉન્નતિ થાય તેવા પ્રયત્નો થતા રહે છે.
