ગાંધીનગર જિલ્લા ચૂંટણી અધિકારીની કચેરી અને જિલ્લા શિક્ષણ અધિકારીની કચેરીના સંયુક્ત ઉપક્રમે ગાંધીનગર જિલ્લા કક્ષાની નેશનલ ઇલેકશન કવીઝ સ્પર્ધા- ૨૦૧૭નું આયોજન જે.એમ.ચૌધરી કન્યા વિધાલય, સેકટર-૭ ખાતે કરવામાં આવ્યું હતું.
નેશનલ ઇલેકશન કવીઝ સ્પર્ધાને ગાંધીનગર જિલ્લા ચૂંટણી અધિકારી અને કલેકટર સતીશ પટેલના હસ્તે ખુલ્લી મુકવામાં આવી હતી. આ કવીઝ સ્પર્ધામાં ૩૦૦ શાળાના વિધાર્થીઓએ ભાગ લીધો હતો. જેમાં દેહગામ તાલુકાના કનીપૂર ગામની કે.આર. વકીલ વિધાલયની વિધાર્થીની જયોત્સના બુધાજી વાધેલા પ્રથમ ક્રમે, ગાંધીનગરના સેકટર- ૨૬માં આવેલી જય પ્રકાશ વિધાલયના વિશાળ ઝવેરભાઇ રબારી દ્રિતીય ક્રમે અને જે.એમ.ચૌધરી વિધાલયની ક્રિશા મહેન્દ્રભાઇ ચૌધરી તૃતીય ક્રમે વિજેતા રહ્યાં હતાં.
