યુનિ.ના યુથ ફેસ્ટીવલ ‘શ્યામલ’નો દબદબાભેર પ્રારંભ

789
bhav4102017-5.jpg

મહારાજા કૃષ્ણકુમારસિંહજી ભાવનગર યુનિવર્સિટીની શામળદાસ આર્ટસ કોલેજના યજમાન પદે ર૭મો આંતરકોલેજ યુથ ફેસ્ટીવલ શ્યામલ-ર૦૧૭નો આજરોજ સવારે દબદબાભેર પ્રારંભ થયો છે. એમ.કે. ભાવનગર યુનિવર્સિટી સંલગ્ન બોટાદ જિલ્લાની કોલેજો મળી આંતરકોલેજ યુથ ફેસ્ટીવલ ર૦૧૭ શ્યામલનો આજરોજ વિધિવત પ્રારંભ થયો હતો. આ યુવક મહોત્સવને લઈને સવારે નિલમબાગ સર્કલ ખાતેથી કલાયાત્રાનો પ્રારંભ થયો હતો. જેમાં કલાકારોએ વિવિધ કૃતિઓ વેશભુષા દ્વારા લોકોનું ધ્યાન ખેંચ્યું હતું. આ કલાયાત્રામાં નરેન્દ્ર મોદી સહિતના હમશકલોએ લોકોનું મનોરંજન કર્યું હતું. કોલેજની વિદ્યાર્થીનીઓ પરંપરાગત પોષાક, સાફા સાથે બુલેટ બાઈક પર ખુુલ્લી તલવાર સાથે અનોખો માહોલ સર્જ્યો હતો. કલાગુરૂઓ, પ્રોફેસરો, શિક્ષણવિદ્દોએ આ યાત્રાને લીલીઝંડી આપી પ્રસ્થાન કરાવ્યું હતું. આ યાત્રા યુનિ.ના એમ્ફી થીયેટર ખાતે પહોંચી હતી. જ્યાં કુલપતિ શૈલેષ ઝાલા તથા આમંત્રિત મહેમાનોએ દિપ પ્રાગટ્ય કરી યુથ ફેસ્ટીવલનો પ્રારંભ કરાવ્યો હતો.

Previous article વીપીપી દ્વારા તળાજા તાલુકાના વિવિધ ગામડાઓમાં રેલી કઢાઈ
Next articleઅહીંનાં લોકોમાં સચ્ચાઈ અને ઇમાનદારી છે