શહેરના ક્રેસન્ટ સર્કલ નજીક સવારના સમયે ટ્રક અને બાઈકનો ધડાકાભેર અકસ્માત સર્જાતા બાઈક ચાલક યુવાનને ગંભીર ઈજાઓ થતાં સારવાર અર્થે સર.ટી. હોસ્પિટલ ખસેડાયો છે.
પ્રાપ્ત વિગત મુજબ શહેરના તિલકનગર દે.પુ.વાસમાં રહેતા પ્રભુભાઈ રસીકભાઈ પટેલ સવારના સમયે પોતાનું મોટર સાયકલ નં.જી.જે.૪ એમ ૭૭પ૪ લઈ ક્રેસન્ટ સર્કલ પાસેથી પસાર થતા હતા તે વેળાએ સામેથી પુરપાટ ઝડપે આવી રહેલ ટ્રક નં.જી.જે.૦૪ એ.ટી. ૮૦પ૩ના ચાલકે અડફેટે લેતા બાઈક સવાર પ્રભુભાઈને ગંભીર ઈજાઓ થતા સારવાર અર્થે હોસ્પિટલ ખસેડાયા છે.
બનાવ અંગે ઘોઘા રોડ પોલીસે ગુનો નોંધી વધુ તપાસ હાથ ધરી છે.
